നവയുഗത്തിന്റെ കാലത്ത് ഇന്റര്നെറ്റിന് വലിയ സ്ഥാനം ഉണ്ട്. അത് മനസ്സിലാക്കിയ സര്ക്കാര് പലപൊതുസ്ഥലങ്ങളിലും സൗജന്യ വൈഫൈ സേവനങ്ങള് അനുവദിച്ചിരിക്കുന്നത്. അതിനാല് തന്നെ അവിടേക്കുള്ള ആളുകളുടെ ഒഴുക്കും വര്ദ്ധിച്ച് വന്നിരിക്കുന്നത്. എന്നാല് ഇത്തരം പ്രവര്ത്തികളിലൂടെ എല്ലാ രഹസ്യങ്ങളും മറ്റൊരാള്ക്ക് ഹാക്ക് ചെയ്യാന് സാധിക്കും. നോര്ടോണ് വൈഫൈ റിസ്ക് റിപ്പോര്ട്ട് 2017 പറയുന്നത്.
ഇത്തരത്തില് പബ്ലിക് വൈഫൈ ഉപയോഗിക്കുന്ന 96 ശതമാനം ആളുകളും അപകടത്തിലാണെന്നാണ് റിപ്പോര്ട്ട് പറയുന്നത്. വേഗത്തില് ഇന്റര്നെറ്റ് ലഭിക്കുമെങ്കിലും ഇതിലെ കുഴപ്പങ്ങളെ കുറിച്ച് സാധാരണക്കാര് അജ്ഞരാണ്.
നല്ല ഹാക്കര്മാര് വിചാരിച്ചാല് ഏതു സെക്യൂരിറ്റികളും തകര്ക്കാന് സാധിക്കുമെന്ന് സിമന്ടെക്ക് കണ്ട്രി മാനേജര് ഋതേഷ് ചോപ്രാ പറഞ്ഞു. പൊതു വൈഫൈകളിലേയും മറ്റ് സൗജന്യ വൈഫൈകളിലേയും വിവരം മൂന്നാമതൊരാള്ക്ക് അനായാസം കണ്ടെത്താന് സാധിക്കും. ഇതിലൂടെ ബാങ്കിടപാടുകള് നടത്തുവാനും വ്യക്തിപരമായ സന്ദേശങ്ങള് പരിശോധിക്കുവാനും അത് അയക്കുവാനുമടക്കം നിരവധി കാര്യങ്ങള് ചെയ്യാന് സാധിക്കുമെന്നാണ് വിവരങ്ങള്.
നവമാധ്യമങ്ങളുടെ ഉപയോഗം, ചിത്രങ്ങളുടെ കൈമാറ്റം, ചാറ്റിങ്ങ്, തുടങ്ങിയ നിരവധി കാര്യങ്ങള്ക്കായാണ് ഇത്തരത്തില് വൈഫൈയിലൂടെ ചെയ്യുന്നത്.
