കല്യാണത്തിന് മെഗാസ്റ്റാര് മമ്മുട്ടിയോട് വരരുതെന്ന് അഭ്യര്ത്ഥിച്ച് നടത്തിയ തന്റെ കല്യാണത്തിന്റെ തലേന്ന് നടന്ന സംഭവങ്ങള് ഒടുവില് നടന് ശ്രീനിവാസന് പൊതുവേദിയില് വെളിപ്പെടുത്തി.
1984 ലാണ് നടനും തിരക്കഥാകൃത്തുമായ ശ്രീനിവാസന്റെ വിവാഹം. ഇന്നസെന്റും, ഡേവിഡ് കാച്ചപ്പള്ളിയും നിര്മ്മിച്ച 'ഒരു കഥ ഒരു നുണക്കഥ' എന്ന ചിത്രത്തിന്റെ ലൊക്കേഷനില് വെച്ചാണ് ശ്രീനിവാസന് വിവാഹ തിരക്കഥ ഒരുക്കിയത്.
ആരെയും അറിയിക്കാതെ വിവാഹം രജിസ്റ്റര് ആയി നടത്താനായിരുന്നു പദ്ധതി. എന്നാല് ഇന്നസെന്റിനോട് മാത്രം വിവാഹക്കാര്യം സൂചിപ്പിച്ചു. സെറ്റില് നിന്ന് ഇറങ്ങാന് നേരം എന്റെ കൈയില് ഒരു പൊതി നല്കി. 400 രൂപ ആയിരുന്നു അതിന് ഇപ്പോഴത്തെ ആയിരങ്ങളുടെ വില ആയിരുന്നു.
'ഭാര്യ ആലീസിന്റെ രണ്ടു വള കൂടെ വിറ്റു' എന്ന് ഇന്നസെന്റ് പറഞ്ഞു. ആ വളകളുടെ മൂല്യത്തിന് വധുവിനുള്ള പവിത്രമായ വിവാഹസാരി വാങ്ങി. കല്യാണത്തിന്റെ തലേന്നാണ് എല്ലാം നടക്കുന്നത്. വൈകുന്നേരമായപ്പോള് അമ്മ പറഞ്ഞു താലി കെട്ടി തന്നെ കല്യാണം നടത്തണം. അസതും സ്വര്ണ്ണമാലയില്. പിന്നെ ഒന്നും ചിന്തിച്ചില്ല, നേരെ അതിരാത്രത്തിന്റെ സെറ്റിലേയ്ക്ക് നീട്ടിപ്പിടിച്ചു. കണ്ണൂര് തന്നെയായാിരുന്നു ലൊക്കേഷന്.
മമ്മുട്ടി തമാസിക്കുന്ന ഹോട്ടല് മുറിയുടെ വാതില് തുറന്നു ഞാന് പറഞ്ഞു നാളെ എന്റെ വിവാഹമാണ്, എനിക്ക് രണ്ടായിരം രൂപ വേണം. നാളെയോ കല്യാണം എന്നായിരുന്നു മമ്മുട്ടയുടെ മറുചോദ്യം, രജിസ്റ്റര് വിവാഹമാണ് ആരെയും ക്ഷണിക്കുന്നില്ലെന്നും ശ്രീനി പറഞ്ഞു.
തുക തന്നിട്ട് മമ്മുട്ടി പറഞ്ഞു കല്യാണത്തിന് ഞാനും വരും. അതുകേട്ടപാടെ എനിക്കു പറയേണ്ടി വന്നു, കല്യാണത്തിന് വരരുത്. വന്നാല് എന്റെ കല്യാണം മുടങ്ങും.കാരണം, എന്നെ ഇവിടെ ആര്ക്കും അറിയില്ല, നിങ്ങള് അറിയപ്പെടുന്ന താരമാണ്, നിങ്ങള് വന്നാല് സംഭവം എല്ലാവരും അറിയും. എങ്കില് വരുന്നില്ലെന്ന് മമ്മുട്ടി പറഞ്ഞു.
അങ്ങനെ ക്രിസ്ത്യാനിയുടെയും, മുസ്ലീമിന്റെയും രൂപയില് ഹിന്ദുപ്പെണ്കുട്ടിയുടെ കഴുത്തില് താലി കെട്ടിയെന്ന് പൊതുവേദിയില് ശ്രീനിവാസന് തുറന്നുപറഞ്ഞു.
