കൊച്ചി: ഊബര് ടാക്സി ഡ്രൈവറെ നടുറോഡില് ക്രൂരമായി ആക്രമിച്ച് പരിക്കേല്പ്പിച്ച യുവ നടിമാരെ പിന്തുണച്ച് രശ്മി ആര് നായര്. ഫെയ്സ്ബുക്കിലൂടെയാണ് തന്റെ പ്രതികരണം രശ്മി അറിയിച്ചത്. സ്ത്രീകള് പ്രതിസ്ഥാനത്ത് വന്നതു കൊണ്ടു മാത്രമാണ് ഇതിനെ ഇത്ര വലിയ സംഭവമായി ഉയര്ത്തി കാണിക്കുന്നത്. ടാക്സി ഡ്രൈവര്മാരും യാത്രക്കാരും തമ്മിലുള്ള കയ്യേറ്റം കേരളത്തില് സാധാരണമായ സംഭവമാണ്. അന്നൊന്നും തോന്നാത്ത വേദനയും പോസ്റ്ററൊട്ടിപ്പും നിനക്കൊക്കെ രണ്ടു പെണ്ണുങ്ങള് പ്രതിസ്ഥാനത്ത് വന്നപ്പോള് ഉണ്ടാക്കുന്ന സൂക്കേട് എന്താണെന്നറിയാന് റോക്കറ്റ് സയന്സ് ഒന്നും അറിയേണ്ടയെന്നും രശ്മി കുറിച്ചു.
രശ്മിയുടെ കുറിപ്പ്:
കേരളത്തിൽ മദ്യപിച്ചതും അല്ലാത്തതുമായ യാത്രക്കാർ ഓട്ടോ ടാക്സി ഡ്രൈവർമാരെ തല്ലുന്നത് ആദ്യ സംഭവം ഒന്നുമല്ല, ടാക്സി വിളിച്ചു ഡ്രൈവറെ തലക്കടിച്ചു വീഴ്ത്തി കാറുമായി മുങ്ങുന്നതിൽ സ്പെഷ്യലൈസ് ചെയ്ത കള്ളൻമാർ വരെയുണ്ട് അന്നൊന്നും തോന്നാത്ത വേദനയും പോസ്റ്റർ ഒട്ടിപ്പും നിനക്കൊക്കെ രണ്ടു പെണ്ണുങ്ങൾ പ്രതിസ്ഥാനത്തു വന്നപ്പോൾ ഉണ്ടാകുന്ന സൂക്കേട് എന്താണെന്നറിയാൻ റോക്കറ്റ് സയൻസ് ഒന്നും അറിയണ്ട.
ചരിത്രാതീത കാലം മുതൽ കാള വാല് പോകുന്നത് ഒറ്റ കാര്യത്തിന് വേണ്ടി തന്നെ.
