കോഴിക്കോട് : സിനിമാ നടന് അലന്സിയറുടെ കണ്ണ് കുത്തിപ്പെട്ടിക്കുക, ചെപ്പക്കുറ്റി അടിച്ചു പൊട്ടിക്കുക, അവനെ വധിക്കുക. സംഘപരിവാറിന്റേതാണ് പ്രതികരണം. സിപിഎം കാരുടെ കണ്ണു ചൂഴ്ന്നെടുക്കുമെന്ന ബിജെപി നേതാവിന്റെ പ്രസ്താവനയ്ക്കെതിരേ കണ്ണൂമൂടികെട്ടി ഒറ്റയാള് പ്രതിഷേധം നടത്തിയതിനാണ് സിനിമാതാരത്തിനെതിരേ സാമൂഹ്യമാധ്യമങ്ങളില് ഈ വിദ്വേഷ പ്രചരണം.
ഫേസ്ബുക്കിലെ സംഘപരിവാര് അനുകൂല ഗ്രൂപ്പ് ആയ 'കാവിപ്പട' യിലാണ് ഈ രൂക്ഷ പ്രതികരണങ്ങള് നിറയുന്നത്. പോസ്റ്റിന് ആറു മണിക്കൂറിനകം കിട്ടിയത് 1000 ലധികം ലൈക്കാണ്. കയ്യും കാലും വെട്ടുക, ബാക്കി വന്നാല് കത്തിക്കുക, അലന്സിയറുടെ ലൈംഗികാവയവം ചൂഴ്ന്നെടുക്കുക എന്നത് ഉള്പ്പെടെ അക്രമാസക്തമാകുന്ന പ്രതികരണങ്ങള്ക്കാണ് കമന്റുകളില് ഭൂരിപക്ഷം. അലന്സിയറുടെ ചിത്രമടക്കം 'ഈ കമ്യൂണിസ്റ്റ തീവ്രവാദിയെ കയ്യില് കിട്ടിയാല് എന്തു ചെയ്യും?' എന്ന ശ്രുതി അശോകന് എന്ന പ്രൊഫൈലില് നിന്നു വന്ന പോസ്റ്റിനു കീഴിലാണ് കൊലവെറികള്.
കേരളത്തില് സിപിഎം ബിജെപിയ്ക്കെതിരേ അക്രമം തുടര്ന്നാല് കണ്ണു ചൂഴ്ന്നെടുക്കുമെന്ന് ബിജെപി വനിതാ നേതാവ് സരോജ്പാണ്ഡേ നടത്തിയ ആഹ്വാനത്തിന്റെ പ്രതികരണം എന്ന നിലയിലാണ് അലന്സിയര് കണ്ണുകെട്ടി തിരുവനന്തപുരത്ത് നിന്നും കൊച്ചിയിലേക്ക് കണ്ണുരക്ഷാ യാത്ര നടത്തിയത്. ചവറ പോലീസ്റ്റേഷനില് എത്തി കണ്ണു സംരക്ഷിക്കണമെന്ന് ആവശ്യപ്പെടുകയും ചെയ്തിരുന്നു. ഇതിന് പിന്നാലെയാണ് സാമൂഹ്യ മാധ്യമങ്ങളില് ശക്തമായി പ്രതികരണം വന്നത്. കണ്ണു ചൂഴ്ന്നെടുക്കണമെന്ന സരോജ് പാണ്ഡേയുടെ പ്രസ്താവനയ്ക്ക് സിപിഎം കാരുടെ രോമത്തില് പോലും ബിജെപിയ്ക്ക് തൊടാനാകില്ലെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് മറുപടി നല്കുകയും ചെയ്തിരുന്നു.
