ഹൈദരാബാദ്: തെലുങ്കാനയില് വിവാഹം ശരിയാകാതെ നില്ക്കുന്ന പൂജാരിമാര്ക്ക് ആശ്വാസവുമായി സര്ക്കാര്. വിവാഹം കഴിക്കാന് തയ്യാറാകുന്ന സ്ത്രീകള്ക്ക് സര്ക്കാര് മൂന്നു ലക്ഷം രൂപ നല്കും. പുറമേ വിവാഹം ആഘോഷിക്കാന് ഒരു ലക്ഷം രൂപയും. നവംബറില് 'കല്ല്യാണമസ്തു' എന്നു പേരിട്ടിരിക്കുന്ന ഈ പദ്ധതി നിലവില് വരും.
പൂജാരിമാര്ക്ക് വരുമാനം കുറവാണെന്ന കാരണം പറഞ്ഞ് പലരും വിവാഹം കഴിക്കാന് തയ്യാറാകാറില്ല. ഈ സാഹചര്യത്തിലാണ് സര്ക്കാര് സഹായം. വിവാഹം ശരിയാകാതെ നില്ക്കുന്ന പൂജാരിമാര്ക്ക് സഹായകമാകുമെന്ന് തെലുങ്കാന ബ്രാഹ്മിന് സക്ഷേമ പരിഷദ് ചെയര്മാന് കെവി രാമനാചരി പറഞ്ഞു. മുഖ്യമന്ത്രി ചന്ദ്രശേഖര റാവുവിന്റെ ഉപദേശകന് കൂടിയാണ് രാമനാചാരി.
മൂന്നു ലക്ഷം രൂപ വധു-വരന്മാരുടെ പേരില് മൂന്നു വര്ഷത്തേയ്ക്ക് സ്ഥിര നിഷേപമായാണ് അനുവദിക്കുക. മൂന്നു വര്ഷത്തിനുള്ളില് കുഞ്ഞുണ്ടായാല് ബുദ്ധിമുട്ടുണ്ടാകരുതെന്നാണ് ഉദ്ദേശിക്കുന്നതെന്നും രാമനാചാരി പറഞ്ഞു. സംസ്ഥാനത്തെ 4805 അമ്പലങ്ങളിലെ പൂജാരിമാര്ക്ക് അടുത്ത മാസം മുതല് സര്ക്കാര് സ്കെയിലില് ശമ്പളവും നല്കുമെന്ന് മുഖ്യമന്ത്രി പറഞ്ഞിരുന്നു.
