കൊച്ചി : ക്രൂരനായ കൊലയാളി അമിറുല്‍ ഇസ്ലാമും സൗമ്യയുടെ ഘാതകന്‍ ഗോവിന്ദച്ചാമിയെപ്പോലെ സര്‍ക്കാര്‍ ചെലവില്‍ തിന്ന് തടിച്ചു കൊഴുത്തു. ജിഷ കൊലക്കേസില്‍ അറസ്റ്റ് ചെയ്യപ്പെട്ടപ്പോള്‍ മനുഷ്യക്കോലമെന്ന് പറയാന്‍ പോലും കഴിയാത്ത തരത്തില്‍ എല്ലും തോലുമായിരുന്ന കൊച്ചു പയ്യന് മാസങ്ങള്‍ നീണ്ട ജയില്‍ വാസത്തോടെ രൂപത്തിലും ഭാവത്തിലും മാറ്റം വന്നിരിക്കുന്നു.
ഒന്നര വര്‍ഷം കൊണ്ട് 10 കിലോ ഭാരം വര്‍ധിച്ച് ഒത്ത ഒരു യുവാവായി മാറി. ആ പഴയ അമിറുല്‍ ഇസ്ലാമാണ് ഇന്ന് കോടതിയില്‍ എത്തിയതെന്ന് തിരിച്ചറിയാന്‍ പോലും കഴിയുമായിരുന്നില്ല.
കറുത്ത് മെലിഞ്ഞ് എല്ലും തോലുമായിരിക്കെ അറസ്റ്റു ചെയ്യപ്പെട്ട ഒറ്റക്കയ്യന്‍ ഗോവിന്ദച്ചാമി നീണ്ട ജയില്‍ വാസത്തിന് ശേഷം പുറത്തെത്തിയത് ഒരു സുന്ദരരൂപത്തിലായിരുന്നു. ജിഷയുടെ ഘാതകന്‍ അമിറുള്‍ ഇസ്ലാമും ഇപ്പോള്‍ സര്‍ക്കാര്‍ ചെലവില്‍ തടിച്ചു കൊഴുത്തിരിക്കുകയാണ്. 75 ദിവസത്തെ വിചാരണയ്ക്കു ശേഷം ഇന്ന് കാമറക്കണ്ണുകള്‍ക്ക് മുന്നില്‍ പ്രത്യക്ഷപ്പെട്ട അമിറുള്‍ ഇസ്ലാമിന്റെ രൂപത്തിലും നടപ്പിലും എടുപ്പിലും ഉള്‍പ്പെടെ മാറ്റം വന്നിട്ടുണ്ട്.
ഗോവിന്ദച്ചാമിയെ അപേക്ഷിച്ച് ജയിലില്‍ ശാന്ത സ്വഭാവക്കാരനാണ് അമിറുള്‍ ഇസ്ലാം. കേസില്‍ ഇന്ന് വിധി ഉണ്ടാകുമെന്ന് അറിഞ്ഞിട്ടും അമിറുളിന്റെ മുഖത്ത് യാതൊരു ഭാവഭേദവും ഉണ്ടായിരുന്നില്ല. സഹതടവുകാരുമായി സൗഹൃദത്തിലായിരുന്നു. കേരളത്തില്‍ ഏറെക്കാലമായി ജോലി ചെയ്തിരുന്നുവെങ്കിലും മലയാളം കേട്ടാല്‍ മനസ്സിലാകുമെന്നല്ലാതെ അല്‍പ്പം പോലും സംസാരിക്കാന്‍ അറിയില്ലായിരുന്നു. ഇപ്പോള്‍ സഹതടവുകാരുമായുള്ള സംബക്കര്‍ത്തെ തുടര്‍ന്ന് മലയാളം അല്‍പ്പമൊക്കെ സംസാരിക്കാമെന്നായിട്ടുണ്ട്.
എന്നാല്‍, പരിഭാഷകന്റെ സഹായത്തോടെയാണ് ഇയാള്‍ അഭിഭാഷകനോട് സംസാരിച്ചിരുന്നത്. കോടതിയില്‍ മൊഴിയെടുക്കാനും പരിഭാഷകനെ ഏര്‍പ്പെടുത്തിയിരുന്നു.
Comments