ബംഗളുരു: ബോളിവുഡ് നടി സണ്ണി ലിയോണ് പങ്കെടുക്കുന്ന പുതുവത്തരാഘോഷ പരിപാടിക്ക് കര്ണാടക സര്ക്കാര് അനുമതി നിഷേധിച്ചു. സണ്ണി ലിയോണ് കര്ണാടകയില് വരുന്നതിനെതിരെ പ്രതിഷേധം ശക്തമായ നാഹചര്യത്തിലാണ് നടപടി. കര്ണാടക രക്ഷണ വേദികെ യുവ സേനയുടെ നേതൃത്വത്തിലാണ് സണ്ണിക്കെതിരായ പ്രതിഷേധം. സണ്ണി ലിയോണ് എത്തുന്നത് കന്നട സംസ്കാരത്തെ നശിപ്പിക്കുമെന്ന് ആരോപിച്ചാണ് പ്രതിഷേധം.
ഒരു ഐടി കമ്പനിയാണ് സണ്ണി ലിയോണിനെ മുഖ്യാതിഥിയായി നവവത്സരാഘോഷം സംഘടിപ്പിച്ചിരിക്കുന്നത്. ഡിസംബര് 31ന് നടക്കുന്ന പരിപാടി റദ്ദാക്കിയില്ലെങ്കില് കൂട്ട ആത്മഹത്യ ചെയ്യുമെന്ന് സംഘടനാ ഭാരവാഹികള് ഭീഷണി മുഴക്കിയിരുന്നു. നവവത്സരാഘോഷത്തിന്റെ സംഘാടകരായ ഐടി കമ്പനിയുടെ മുന്നിലേക്ക് രക്ഷണ വേദിയുടെ നേതൃത്വത്തില് കറുത്ത റിബണുകള് കെട്ടിയും ചൂേലന്തിയും ഇന്ന് പ്രതിഷേധ പ്രകടം നടത്തിയിരുന്നു. ഇതിന് പിന്നാലെയാണ് സര്ക്കാര്, പരിപാടിയുടെ അനുമതി നിഷേധിച്ചത്.
പുറത്ത് നിന്നുമെത്തുന്നവര് കര്ണാടക സംസ്കാരത്തെ നശിപ്പിക്കുകയാണെന്ന് സംഘടനയുടെ നേതാവ് ഹരീഷ് ആരോപിച്ചു. സണ്ണി ലിയോണ് പങ്കെടുക്കുന്ന പരിപാടി നടത്താന് അനുവദിക്കില്ല. സണ്ണി ലിയോണ് എത്തരം സിനിമകളിലാണ് അഭിനയിക്കുന്നതെന്നും അവര് എത്തരം വസ്ത്രങ്ങള് ധരിക്കുന്ന ആളാണെന്നും അറിയാം. അവര് സാരി ധരിക്കാറുണ്ടോയെന്നും ഹരീഷ് ചോദിച്ചു. സണ്ണി ലിയോണ് സാരി ഉടുത്തു വന്നാല് തങ്ങളും പരിപാടി കാണാന് പോകുമെന്ന് ഹരീഷ് പറഞ്ഞിരുന്നു.
