ന്യൂഡല്ഹി: അമേരിക്കന് ഹോട്ടല് തങ്ങളുടെ ഇടപാടുകാര്ക്കായി വെബ്സൈറ്റില് ഇട്ടിരുന്ന ചോദ്യത്തില് കലിതുളളി അമേരിക്ക. ഹോങ്കോംഗോ മക്കാവുമോ, തായ്വാനോ അതോ ടിബറ്റോ, ഏതു രാജ്യത്ത് നിന്നാണ് നിങ്ങള് എന്ന അമേരിക്കന് ഹോട്ടല് ശൃംഖല മാരിയറ്റ് പ്രസിദ്ധീകരിച്ച ചോദ്യാവലിയാണ് ചൈനയെ കലിപ്പടിപ്പിച്ചത്. ടിബറ്റിനെ പ്രത്യേക രാജ്യമാക്കി അവതരിപ്പിച്ചതാണ് വിഷയമായിരിക്കുന്നത്.
തങ്ങളുടെ ഔദ്യോഗിസ ട്വിറ്റര് അക്കൗണ്ടില് ചൈനീസ് അംഗങ്ങള്ക്ക് വേണ്ടി പ്രസിദ്ധീകരിച്ച ചോദ്യാവലി വിവാദമായതോടെ ഹോട്ടല് പിന്വലിച്ചെങ്കിലും ടിബറ്റിന് വേണ്ടി ചൈനയോട് വഴക്കടിച്ചുകൊണ്ടിരിക്കുന്ന വിമത പോരാളികള്ക്ക് ഇഷ്ടപ്പെട്ടതാണ് ചൈനയെ ചൊടിപ്പിച്ചിരിക്കുന്നത്. സ്വതന്ത്രരാജ്യമെന്ന് ടിബറ്റ് പോരാളികള് വിളിക്കുമ്പോഴും ടിബറ്റിനെ ചൈന തങ്ങളുടെ ഭാഗമായിട്ടാണ് വിശേഷിപ്പിക്കുന്നത്.
സംഭവം ഷംഗ്ഹായി ഏറ്റെടുത്തതോടെ ഹോട്ടലിന്റെ കമ്പനി പ്രതിനിധികളുമായി കൂടിക്കാഴ്ച ഉള്പ്പെടെയുള്ള കാര്യങ്ങള് ഉള്പ്പെടുത്തി അധികൃതര് അന്വേഷണം ആരംഭിക്കുകയും ചെയ്തിരിക്കുകയാണ്. ഹോട്ടലിന്റെ വെബ്സൈറ്റില് നിന്നും മൊബൈല് ആപ്പില് നിന്നും വിവാദ വിഷയം നീക്കം ചെയ്യാനും ചൈന ആവശ്യപ്പെട്ടിട്ടുണ്ട്. ഒരാഴ്ചയ്ക്കുള്ളില് എല്ലാം ചെയ്യാനാണ് നിര്ദേശം. സംഭവം വിവാദമായതോടെ ക്ഷമാപണം നടത്തി മാരിയറ്റ് തന്നെ രംഗത്തും വന്നിട്ടുണ്ട്. എത്രയും പെട്ടെന്ന് തന്നെ എല്ലാം നീക്കം ചെയ്യാമെന്നാണ് വാഗ്ദാനം.
ചൈനയുടെ പരമാധികാരത്തെയും പ്രാദേശികതയെയും വഴി തിരിച്ചുവിടുന്ന ആരേയും പ്രോത്സാഹിപ്പിക്കില്ലെന്നും അത്തരം ആള്ക്കാരേയോ ഗ്രൂപ്പുകളെയോ പ്രചോദിപ്പിക്കാന് ഉദ്ദേശമില്ലെന്നും ഹോട്ടലിന്റെ സിഇഒ ആര്നേ സോറന്സണ് പറഞ്ഞു. ചൈനയുടെ സൈബര് സുരക്ഷയും പരസ്യനിയമവുമായി ബന്ധപ്പെട്ടതുമായ നിയമം ലംഘിച്ചതിന് ഹോട്ടലിന് 153,822 ഡോളര് പിഴയിട്ടേക്കും. ചൈനയില് 270 ഹോട്ടലുകള് നടത്തുന്ന മാരിയറ്റിന് ഒരു ലക്ഷം മുറികളുണ്ട്.
