ലോകവ്യാപകമായി സിനിമാ മേഖല നേരിടുന്ന അടിസ്ഥാന പ്രശ്നങ്ങളില് ഒന്നാണ് കാസ്റ്റിംഗ് കൗച്ച്. നായികമാര് ഇത്രകാലം ഈ വിപത്തിനെപറ്റി മിണ്ടാതിരിക്കുകയായിരുന്നെങ്കില് ഇപ്പോള് മുന്നിര നായികമാര് മുതല് ചെറുകിട നടിമാര് വരെ കാസ്റ്റിംഗ് കൗച്ച് ദുരനുഭവങ്ങളെക്കുറിച്ച് തുറന്നു പറയാന് തുടങ്ങി. ഏറ്റവും ഒടുവിലായി കാസ്റ്റിംഗ് കൗച്ചിനെക്കുറിച്ച് തുറന്ന് പറഞ്ഞിരിക്കുന്നത് കന്നഡ നടിയായ ശ്രുതി ഹരിഹരന് ആണ്. ദുല്ഖര് ചിത്രം സോളോയിലൂടെ മലയാളത്തിലും ശ്രുതി അഭിനയിച്ചിട്ടുണ്ട്.
ചര്ച്ചയ്ക്കിടെയാണ് ശ്രുതി സിനിമയില്നിന്ന് തനിക്ക് നേരിടേണ്ടി വന്ന ദുരനുഭവം തുറന്നു പറഞ്ഞത്. 'കന്നഡ സിനിമയ്ക്കായുള്ള എന്റെ ആദ്യ മീറ്റിംഗ് തന്നെ നിരാശപ്പെടുത്തുന്നതും ഭയപ്പെടുത്തുന്നതുമായിരുന്നു. അന്ന് എനിക്ക് 18 വയസ്സു മാത്രമെ പ്രായമുള്ളു. ഞാന് ആ സിനിമ അവസാനം ചെയ്തില്ല. അതിന് മൂന്ന് നാല് വര്ഷങ്ങള്ക്ക് ശേഷം വളരെ പ്രമുഖനായ ഒരു കന്നഡ നിര്മ്മാതാവ് എന്നോട് ഫോണില് വിളിച്ചു പറഞ്ഞു, നായികയാക്കാം പക്ഷെ ഞങ്ങള് അഞ്ച് നിര്മ്മാതാക്കളുണ്ട്, ഞങ്ങള് മാറി മാറി ഞങ്ങളുടെ ഇഷ്ടാനുസരണം നിന്നെ ഉപയോഗിക്കും. ഞാനിത് ഇപ്പോഴും ഓര്ക്കുന്നു, ഞാന് അയാള്ക്ക് കൊടുത്ത മറുപടി, ഞാന് ചെരിപ്പ് ഇട്ടോണ്ടാണ് നടക്കുന്നത് എന്റെ അടുത്ത് വന്നാല് ഞാന് അത് വെച്ച് അടിക്കുമെന്നാണ്' ശ്രുതി പറഞ്ഞു.
