ലക്ഷ്മി പ്രിയയെ പരിഹസിച്ച് വീണ്ടും ഭാഗ്യലക്ഷ്മി. ' ഭാഗ്യലക്ഷ്മിയെ പോലുളള സ്ത്രീകളോട് സംസാരിച്ച് എന്റെ സനാതന ചൈതന്യം കളയാന് ഞാന് ഒരുക്കമല്ല', എന്ന് ലക്ഷ്മി പ്രിയ പറഞ്ഞെന്ന സോഷ്യല് മീഡിയ കാര്ഡ് പങ്കുവച്ചായിരുന്നു ഭാഗ്യലക്ഷ്മിയുടെ പ്രതികരണം.
നാനാ ഭാഗത്ത് നിന്നും ആവശ്യത്തില് കൂടുതല് ആക്രമണം നടക്കുന്നുണ്ടെന്നും ഇനി താന് കൂടി വേണോ എന്ന് ചോദിച്ച ഭാഗ്യലക്ഷ്മി, തനിക്കൊരു നിലവാരമുണ്ടെന്നും പറയുന്നു.
'' സോഷ്യല് മീഡിയയില് നിങ്ങള്ക്ക് നേരെ നാനാ ഭാഗത്ത് നിന്നും ആവശ്യത്തില് കൂടുതല് ആക്രമണം നടക്കുന്നുണ്ട് ലക്ഷ്മി പ്രിയ. ഇനി ഞാനും കൂടെ വേണോ? വേണ്ട. എനിക്കൊരു നിലവാരമില്ലേ. അത് ഞാന് കളയില്ല.. പക്ഷെ എന്താണ് ഈ സനാതന ചൈതന്യം? മനസിലായില്ല. അത് മുഖത്ത് മാത്രം ഉണ്ടായിട്ട് കാര്യമില്ല.. മനസ്സിലും വാക്കിലും പ്രവര്ത്തിയിലും വേണം'', എന്നാണ് ഭാഗ്യലക്ഷ്മി കുറിച്ചത്. നിരവധിപ്പേരാണ് പോസ്റ്റിന് താഴെയായി ലക്ഷ്മി പ്രിയയെ പരിഹസിച്ച് കൊണ്ടുളള കമന്റുകളുമായി എത്തുന്നത്.
കുറച്ച് ദിവസങ്ങള്ക്ക് മുമ്പ് ലക്ഷ്മി പ്രിയയ്ക്ക് എതിരെ ഭാഗ്യലക്ഷ്മി ഒരു വീഡിയോ പങ്കുവച്ചിരുന്നു. സോഷ്യല് മീഡിയ കടന്നാക്രമിക്കുന്നതിന് കാരണക്കാരി ലക്ഷ്മി പ്രിയ തന്നെയാണെന്നും എന്തിനാണ് ഒരു പെണ്ണിനെ കുറിച്ച് മറ്റൊരു പെണ്ണായ നിങ്ങള് ഇങ്ങനെ ഇരുന്ന് പരദൂഷണം പറയുന്നതെന്നും ഭാഗ്യലക്ഷ്മി ചോദിച്ചിരുന്നു. ഒരാളുടെ സ്വകാര്യ ജീവിതത്തെ കുറിച്ച് പരാമര്ശങ്ങള് നടത്തുമ്പോള് 2026ല് ആ പെണ്കുട്ടിയെ ആരും തെറ്റിദ്ധരിക്കില്ലെന്നും ആ കാലവും അത്തരം കുലസ്ത്രീ പരിവേഷമൊക്കെ കടന്ന് സ്ത്രീകള് ഒരുപാട് മുന്നോട്ട് പോയെന്നും ഭാഗ്യലക്ഷ്മി പറഞ്ഞിരുന്നു. നിരവധി പേര് ഭാഗ്യലക്ഷ്മിയെ പിന്തുണച്ച് രംഗത്ത് എത്തിയിരുന്നു.
