കോഴിക്കോട്: സ്കൂള് ഗ്രൗണ്ടില് കളിച്ചുകൊണ്ടിരുന്ന കുട്ടിയുടെ തലയില് പോസ്റ്റ് വീണു കുട്ടിമരിച്ചു. കോഴിക്കോട് മാതറ ഇസ്ലാമിക് റസിഡന്ഷ്യല് ഹയര് സെക്കന്ഡറി സ്കൂളിലെ അഞ്ചാം ക്ലാസുകാരനായ ആതിഷാണ് മരിച്ചത്.
വെള്ളിയാഴ്ച രാവിലെയായിരുന്നു അപകടമുണ്ടായത്. സ്കൂള് ബസ് പിന്നിലോട്ടെടുത്തപ്പോള് പിന്നില് നിന്ന പ്രവര്ത്തനരഹിതമായ വൈദ്യുത പോസ്റ്റില് ഇടിക്കുകയും അപ്പോള് കൂട്ടുകാര്ക്കൊപ്പം കളിക്കുകയായിരുന്ന ആതിഷിന്റെ തലയിലേക്ക് പോസ്റ്റ് വീഴുകയുമായിരുന്നു.
അപകടം നടന്നയുടനെതന്നെ ബോധരഹിതനായ കുട്ടിയെ ആശുപത്രിയില് എത്തിച്ചെങ്കിലും രക്ഷിക്കാനായില്ല. എന്നാല് സ്കൂളിന്റെ അനാസ്ഥയുണ്ടെന്ന് ആരോപിച്ച് നാട്ടുകാര് പ്രതിഷേധപ്രകടനം നടത്തി. ആശുപത്രിയില് കൊണ്ടുപോകുന്നതിന് വാഹനം വിട്ട് നല്കിയില്ലെന്നും നാട്ടുകാര് പറഞ്ഞു.
