തൃശൂര്: സഹോദരിയെ ശല്യം ചെയ്തത് ചോദ്യം ചെയ്തതിന് യുവാവിനെ കൊലപ്പെടുത്തിയ കേസിലെ പ്രതി ആത്മഹത്യയ്ക്ക് ശ്രമിച്ചു. മര്ദ്ദനമേറ്റ സുജിത് വേണുഗോപാല് മരിച്ചതിന് പിന്നാലെ പ്രതിയായ ഓട്ടോ ഡ്രൈവര് മിഥുന് ഒളിവില് പോയിരുന്നു. ഇയാള് പിന്നീട് ആത്മഹത്യയ്ക്ക് ശ്രമിക്കുകയായിരുന്നു. കൈ ഞരമ്പ് മുറിച്ച് ആത്മഹത്യയ്ക്ക് ശ്രമിച്ച മിഥുന് ഗുരുതരാവസ്ഥയില് ഇരിങ്ങാലക്കുട സഹകരണ ആശുപത്രിയില് ചികിത്സയിലാണ്. ഇന്ന് രാവിലെയാണ് മിഥുനെ ആത്മഹത്യയ്ക്ക് ശ്രമിച്ച നിലയില് കണ്ടെത്തിയത്.
പെണ്കുട്ടിയുടെ ഐക്കര കുന്നിലെ വീടിന് സമീപമാണ് മിഥുനെ കൈ ഞരമ്പ് മുറിച്ച നിലയില് കണ്ടെത്തിയത്. തന്റെ സഹോദരിയെ ശല്യം ചെയ്തത് ചോദ്യം ചെയ്യാനെത്തിയ സുജിത്തിനെ മിഥുന് മര്ദ്ദിക്കുയായിരുന്നു. ആശുപത്രിയില് ചികിത്സയിലിരിക്കെ സുജിത്ത് മരണത്തിന് കീഴടങ്ങി. കഴിഞ്ഞ ഞായറാഴ്ച വൈകിട്ട് ബസ് സ്റ്റാന്ഡിന് സമീപമുള്ള ഓട്ടോറിഷ സ്റ്റാന്ഡില് വച്ചായിരുന്നു സംഭവം. മര്ദ്ദനമേറ്റ സുജിത്ത് സഹകരണാശുപത്രിയില് ചികിത്സയില് കഴിയവെ ബുധനാഴ്ച പുലര്ച്ചെയാണ് മരിച്ചത്.
പ്രതി മിഥുനായി പോലീസ് അന്വേഷണം പുരോഗമിക്കവെയാണ് ഇയാള് ശല്യം ചെയ്തിരുന്ന പെണ്കുട്ടിയുടെ വീടിന് സമീപത്തെ പുരയിടത്തില് നിന്നും ആത്മഹത്യയ്ക്ക് ശ്രമിച്ച നിലയില് കണ്ടെത്തിയത്. ഇയാളുടെ ആത്മഹത്യാ കുറിപ്പ് പോലീസ് കണ്ടെടുത്തു. അറിഞ്ഞുകൊണ്ട് ചെയ്തതല്ല തെറ്റ് പറ്റിപ്പോയെന്നും പകരം നല്കാന് തന്റെ ജീവന് മാത്രമേയുള്ളുവെന്ന് മിഥുന് ആത്മഹത്യാ കുറിപ്പില് എഴുതിയിട്ടുണ്ട്.
അവന് മരിക്കണം എന്ന് ചിന്തിച്ചിട്ടില്ല, ജീവിതത്തില് ആദ്യമായാണ് ഒരാളെ അടിക്കുന്നത്. അയാള് മരിക്കുന്നു. തന്റെ മാനസികാവസ്ഥ എത്ര ഭീകരമാണെന്ന് മിഥുന് പറയുന്നു. തന്നെ പല തവണ ശിഖണ്ഡി എന്ന് വിളിച്ചപ്പോള് പ്രതികരിച്ചു പോയതാണെന്നും പകരം ജീവന് നല്കുകയാണെന്നും ഇയാള് ആത്മഹത്യാ കുറിപ്പില് എഴുതിയിട്ടുണ്ട്.
ആത്മഹത്യാ കുറിപ്പിന്റെ പൂര്ണരൂപം
അറിഞ്ഞു കൊണ്ട് ചെയ്തതല്ല പറ്റിപോയി ഒരിക്കലും തിരുത്താന് പറ്റാത്ത തെറ്റാണ് ആ തെറ്റിന് എന്റെ ജീവനല്ലാതെ വേറൊന്നും തരാനില്ല എനിക്ക് ഒരാള് നമ്മുടെ മുഖത്ത് നോക്കി പലവട്ടം ശിഖണ്ഡി എന്നൊക്കെ വിളിക്കുമ്പോള് ആരായാലും പ്രതികരിക്കില്ലേ അവന് മരിക്കണം എന്ന് ചിന്തിച്ചിട്ട് പോലുമില്ല ഞാന് സത്യം പറഞ്ഞാല് ഒരു സ്വപ്നം കണ്ടപോലെ ആണ് എനിക്കിപ്പോഴും തോന്നുന്നത്.
എനിക്ക് വിശ്വസിക്കാന് കഴിയുന്നില്ല ജീവിതത്തില് ആദ്യമായാണ് ഒരാളെ അടിക്കുന്നത് അയാള് മരിക്കന്നു എന്റെ അവസ്ഥ ആലോചിച്ചു നോക്കു എത്ര ഭീകരമായ അവസ്ഥ ആണെന്ന്
പിന്നെ നിന്റെ ചേച്ചിയെ ഒരിക്കലും ഞാന് ശല്യം ചെയ്തിട്ടില്ല എനിക്ക് ഇഷ്ടമാണെന്നോ ഇഷ്ടപ്പെടണം അങ്ങനെ ഒന്നും ഞാന് പറഞ്ഞിട്ടില്ല. ഒരു നോട്ടം കൊണ്ട് പോലും അതിനെ തെറ്റായി ഞാന് കണ്ടിട്ടില്ല. അവളെ പോലെ ഒരു നല്ല കുട്ടിയെ ഭംഗി കൊണ്ടല്ല സ്വഭാവം കൊണ്ട് ഇതുവരെയുള്ള ലൈഫില് ഞാന് കണ്ടിട്ടില്ല എന്തുകൊണ്ടാണ് അവള് എന്റെ കണ്ണില് ഒരു ഭ്രാന്തായി മാറിയതെന്ന് അറിയോ അവസാന കാലം വരെ കൂടെ ഉണ്ടാകും എന്നുള്ള ഉറപ്പ്.
ഇപ്പോഴത്തെ കുറെ പെണ്കുട്ടികള് ഉണ്ട് നാല് ദിവസം ഭര്ത്താവിന്റെ കൂടെ അഞ്ചാം ദിവസം അവര് വേറെ ആരുടെ എങ്കിലും കൂടെ ആകും അങ്ങനെ ആകില്ല എന്നുറപ്പുള്ളത് കൊണ്ട് അതുപോലെയുള്ള അമ്മയെ ഭാര്യയെ മകളെ കിട്ടാന് പുണ്യം ചെയ്യണം എന്തായാലും എല്ലാം കഴിഞ്ഞു
വേഗം ഒരു ജോലിക്ക് പോയി ചേച്ചിക്ക് ഹെല്പ് ചെയ്യണം എല്ലാവരോടും good bye. ചെയ്തു പോയ തെറ്റിന് എന്റെ ജീവനെ നിങ്ങള്ക്കു തരാന് ഉള്ളു അതില് കുറഞ്ഞു എന്തു തന്നാലും മതിയാവില്ല എന്നെനിക്കറിയാം ഒരു മനുഷ്യന് എന്റെ കൈ കൊണ്ട് ഇല്ലാതായിട്ട് എനിക്കൊരിക്കലും ജീവിക്കാന് കഴിയില്ല വേദനിപ്പിച്ചതിനു ഒരിക്കല് കൂടെ മാപ്പ് പറയാണ് all of you thank you and good bye
