ഗുരുഗ്രാം: പഠിപ്പിക്കുന്ന അദ്ധ്യാപികയ്ക്കും മകള്ക്കും വിദ്യാര്ത്ഥിയുടെ ബലാത്സംഗ ഭീഷണി. ഏഴാം ക്ളാസ്സില് പഠിക്കുന്ന വിദ്യാര്ത്ഥി ഫേസ്ബുക്ക് പോസ്റ്റിലൂടെയാണ് അദ്ധ്യാപികയെ ഭീഷണിപ്പെടുത്തിയത്. ഈ വിദ്യാര്ത്ഥിയുടെ സഹപാഠിയാണ് അദ്ധ്യാപികയുടെ മകള്. ഇതേ സ്കൂളിലെ തന്നെ മറ്റൊരു സംഭവത്തില് മറ്റൊരു വിദ്യാര്ത്ഥി അദ്ധ്യാപികയോട് ചോദിച്ചത് കാന്ഡില്ലൈറ്റ് ഡേറ്റിംഗും സെക്സും.
കഴിഞ്ഞയാഴ്ച രണ്ടു സംഭവങ്ങളും നടന്നത് നഗരത്തിലെ പേരും പെരുമയുമുള്ള സ്കൂളിലാണ്. ബലാത്സംഗ ഭീഷണിക്ക് ഇരയായ അദ്ധ്യാപിക സ്കൂളില് തിരിച്ചെത്തിയെങ്കിലും ഇവരുടെ മകള്ക്ക് ഇപ്പോഴും സ്കൂളിലെത്താന് ഭീതിയൊഴിഞ്ഞിട്ിടല്ല. സംഭവത്തില് സ്കൂളിന്റെയോ അദ്ധ്യാപകരുടെയോ ഭീഷണി മുഴക്കുകയും ഇരയാകുകയും ചെയ്യപ്പെട്ടിട്ടുള്ള പ്രായപൂര്ത്തിയാകാത്തവരുടേയും പേരുകള് പുറത്തു വിട്ടിട്ടില്ല. സംഭവത്തില് അന്വേഷണം നടത്തി മതിയായ നടപടിയെടുക്കുകയും വിദ്യാര്ത്ഥികളെ നിര്ബ്ബന്ധിതമായി കൗണ്സിലിംഗിന് വിധേയമാക്കുമെന്നും ഇത്തരം നടപടികള് പൊറുക്കാന് കഴിയാത്താണെന്നുമാണ് സ്കൂള് പുറത്തു വിട്ട പ്രസ്താവനയില് പറഞ്ഞിരിക്കുന്നത്.
സംഭവത്തി സ്വമേധയാ കേസെടുക്കുമെന്നാണ് ശിശുക്ഷേമ കമ്മറ്റി ചെയര്പേഴ്സണ് ശകുന്തളാ ദള് വ്യക്തമാക്കിയിരിക്കുന്നത്. സ്കൂളിനും കുട്ടികള്ക്കും നോട്ടീസ് അയച്ചിട്ടുണ്ടെന്നും സംഭവം വിശദീകരിച്ച് വ്യക്തമാക്കാന് നിര്ദേശിച്ചിട്ടുണ്ടെന്നും ഇവര് പറഞ്ഞു. അദ്ധ്യാപകര്ക്കും വിദ്യാര്ത്ഥികള്ക്കും കൗണ്സിലിംഗ് വേണമെന്നും ഇവര് പറഞ്ഞു. അതേസമയം ഇതൊന്നും കേവലം ഒരു സ്കൂളിലെ ഒറ്റപ്പെട്ട കേസല്ലെന്നും സാമൂഹ്യ അധപ്പതനമാണെന്നും വീട്ടില് തന്നെ മാതാപിതാക്കള് ഇക്കാര്യത്തില് കാര്യക്ഷമമായി പ്രവര്ത്തിക്കണമെന്നും സ്കൂള് പറയുന്നു.
കുട്ടികളെ ആക്രമണകാരികളാക്കുന്ന രീതിയിലുള്ള ഒട്ടേറെ ഗാഡ്ജറ്റുകള് കുട്ടികളുടെ കൈകളില് കിട്ടുന്നുണ്ട്. അവര് അതില് എന്താണ് കാണുന്നതെന്നോ ഏതു സൈറ്റാണ് സന്ദര്ശിക്കുന്നതെന്നോ മാതാപിതാക്കള്ക്ക് അറിയില്ല.
