കൊച്ചി: രണ്ടുലക്ഷം രൂപയുടെ വായ്പയ്ക്കു ജാമ്യം നിന്നതിന്റെ പേരില് ഇടപ്പള്ളി സ്വദേശിനി പ്രീതാ ഷാജിയുടെ കിടപ്പാടം എച്ച്.ഡി.എഫ്.സി. ബാങ്കിന്റെ ആലുവ ശാഖ ബാങ്ക് ജപ്തി ചെയ്തതിനു കിടപ്പാടം ജപ്തിചെയ്ത ബാങ്ക് നടപടിക്കെതിരേ വീട്ടമ്മ നടത്തുന്ന നിരാഹാരസമരം ബാങ്കിനു മുന്നിലേക്കു മാറ്റി. രണ്ടു ലക്ഷം രൂപ വായ്പയെടുക്കാന് എച്ച്.ഡി.എഫ്.സി. ബാങ്കിന്റെ ആലുവ ശാഖയില് സുഹൃത്തിനു ജാമ്യം നിന്നതിന്റെ പേരില് കിടപ്പാടം നഷ്ടമായതോടെയാണ് ഇടപ്പള്ളി സ്വദേശിനി പ്രീത ഷാജി നിരാഹാരസമരം തുടങ്ങിയത്.
13 ദിവസമായി പ്രീത വീട്ടില് നടത്തിവന്ന നിരാഹാരസമരം നാട്ടുകാര് ഇന്നലെ ബാങ്കിനു മുന്നിലേക്കു മാറ്റി. വീട്ടില്നിന്നു കട്ടിലില് പ്രീതയെ ബാങ്കിനു മുന്നിലെത്തിച്ചാണു പ്രതിഷേധമാരംഭിച്ചത്. രണ്ടരക്കോടി രൂപ വിലവരുന്ന കിടപ്പാടവും സ്ഥലവും ബാങ്ക് വെറും 38 ലക്ഷത്തിനു വിറ്റെന്നു വീട്ടമ്മ പറഞ്ഞു. ജീവിക്കാന്വേണ്ടിയാണു സമരമെന്നും വായ്പാ തുകയായ രണ്ടു ലക്ഷം രൂപയും ന്യായമായ പലിശയും തിരിച്ചടയ്ക്കാന് തയാറാണെന്നും പ്രീത പറഞ്ഞു. 229 ദിവസമായി മാനത്തുപാടം പാര്പ്പിടസമിതിയുടെ നേതൃത്വത്തില് ഇടപ്പള്ളിയിലെ ഷാജിയുടെ വീട്ടില് ചിതയൊരുക്കി സമരവും നടക്കുന്നുണ്ട്. മാധ്യമവാര്ത്തകളുടെ അടിസ്ഥാനത്തില് മനുഷ്യാവകാശ കമ്മിഷന് സ്വമേധയാ കേസെടുത്തു.
സര്ഫാസി നിയമത്തിന്റെ അടിസ്ഥാനത്തിലാണ് സിവില് കോടതികളെ സമീപിക്കാതെ ബാങ്കുകള് പാവപ്പെട്ടവരുടെ ജാമ്യവസ്തുക്കള് ജപ്തി ചെയ്യുന്നത്. എന്നാല്, ഇതേ നിയമത്തിന്റെ മറവില് വലിയ മല്സ്യങ്ങള് രക്ഷപ്പെടുകയും പാവപ്പെട്ടവര് ബലിയാടാവുകയും ചെയ്യും.
ഡമോ€സിന്റെ വാള് പോലെയാണു നിയമം പാവപ്പെട്ടവര്ക്കു നേരേ ബാങ്കുകള് പ്രയോഗിക്കുന്നതെന്നും കമ്മിഷന് നിരീക്ഷിച്ചു. വീടിനെ ജപ്തിയില് നിന്നൊഴിവാക്കാന് മുഖ്യമന്ത്രിയുടെ ദുരിതാശ്വാസനിധി സെക്രട്ടറി സാധ്യമായതെല്ലാം ചെയ്യണമെന്നു കമ്മിഷന് ആക്ടിങ് അധ്യക്ഷന് പി. മോഹനദാസ് നിര്ദേശിച്ചു. ഇതേക്കുറിച്ച് അന്വേഷിച്ച് ചീഫ് സെക്രട്ടറി റിപ്പോര്ട്ട് സമര്പ്പിക്കണം. എറണാകുളം ജില്ലാ പോലീസ് മേധാവി വിഷയത്തില് ആവശ്യമായ നടപടിയെടുത്തശേഷം റിപ്പോര്ട്ട് ഫയല് ചെയ്യണം. ബാങ്ക് മാനേജര് 23 ന് ആലുവ ഗസ്റ്റ് ഹൗസില് നടക്കുന്ന കമ്മിഷന് സിറ്റിങ്ങില് നേരിട്ട് ഹാജരാകണം.
പ്രീതയുടെ ദുരിതം കേന്ദ്ര സര്ക്കാര് ഗൗരവമായെടുക്കണം. ജാമ്യം നില്ക്കുന്ന സാധുക്കളെ ബാങ്കുകള് ദ്രോഹിക്കുന്ന സംഭവങ്ങള് മറ്റു സംസ്ഥാനങ്ങളിലും സാധാരണമായതിനാല് സര്ഫാസി നിയമത്തില് ഭേദഗതി വരുത്തുന്ന കാര്യം ദേശീയ മനുഷ്യാവകാശക്കമ്മിഷന് അധ്യക്ഷന്റെ ശ്രദ്ധയില് കൊണ്ടുവരും. ബാങ്ക് വായ്പയ്ക്ക് ഈടായി നല്കുന്ന ജാമ്യവസ്തുക്കള് വസൂലാക്കുന്നതു സംബന്ധിച്ച് 2012 ല് പാസാക്കിയ നിയമം ഭേദഗതി ചെയ്യണമെന്ന് കമ്മിഷന് നിര്ദേശിച്ചു.
വായ്പാക്കുടിശികയുടെ പേരില് സാധാരണക്കാരുടെ കിടപ്പാടം ജപ്തി ചെയ്യുന്ന ബാങ്കുകളുടെ ക്രൂരത അവസാനിപ്പിക്കാന് നിയമഭേദഗതി ആവശ്യമാണെന്നും ഉത്തരവില് പറയുന്നു. നിയമത്തില് ആവശ്യമായ ഭേദഗതിക്കായി വിഷയം കേന്ദ്ര സര്ക്കാരിന്റെ പരിഗണനയില് കൊണ്ടുവരാന് ചീഫ് സെക്രട്ടറി നടപടിയെടുക്കണം.സാധുക്കളുടെ കിടപ്പാടം ജപ്തി ചെയ്യുന്ന നടപടികള് മനുഷ്യാവകാശ ലംഘനമാണ്. ബാങ്കുകളുടെ ഇത്തരം പ്രവണതകള് അടിയന്തരമായി അവസാനിപ്പിക്കണം. റിയല് എസ്റ്റേറ്റ് മാഫിയക്കൊപ്പംചേര്ന്ന് ബാങ്ക് സാധാരണക്കാരെ കൊള്ളയടിക്കുകയാണെന്നും വിഷയം മുഖ്യമന്ത്രിയുടെ ശ്രദ്ധയില്പ്പെടുത്തുമെന്നും പി.ടി. തോമസ് എം.എല്.എ. വ്യക്തമാക്കി.
