ന്യുഡല്ഹി: രാജ്യത്തെ ചെലവ് കുറഞ്ഞ വിമാനയാത്ര കമ്പനിയായ എയര് ഏഷ്യ 'മെഗാ സെയില്' ഓഫര് പ്രഖ്യാപിച്ചു. ആഭ്യന്തര യാത്രകള്ക്ക് 849 രൂപ മുതല് ടിക്കറ്റ് ബുക്ക് ചെയ്യാം. രാജ്യാന്തര യാത്രകള്ക്കുള്ള ടിക്കറ്റ് നിരക്ക് 1999 രൂപ മുതലാണ്. മാര്ച്ച് 26 മുതല് ഏപ്രില് ഒന്നു വരെയാണ് ഈ നിരക്കില് ടിക്കറ്റ് ബുക്ക് ചെയ്യാന് സൗകര്യം. ഒക്ടോബര് ഒന്നു മുതല് അടുത്ത വര്ഷം മേയ് 28 വരെ ഈ യാത്ര ചെയ്യാന് അവസരം ലഭിക്കും. എയര് ഏഷ്യയുടെ airasia.com വെബ്സൈറ്റ് വഴിയോ മൊബൈല് ആപ് വഴിയോ ടിക്കറ്റ് ബുക്ക് ചെയ്യാം.
അടിസ്ഥാന നിരക്കായ 849 രൂപയ്ക്ക് റാഞ്ചി-ഭുവനേശ്വര് റൂട്ടില് യാത്ര ചെയ്യാം. ഭുവനേശ്വര് -കൊല്ക്കൊത്ത റൂട്ടില് യാത്രാനിരക്ക് 869 രൂപയാകും. കൊച്ചി-ബംഗലൂരു ടിക്കറ്റിന് 879 രൂപയാണ് നിരക്ക്.
