ന്യൂഡല്ഹി : ചൂതാട്ടത്തിന് ഒടുവില് യുവാവ് പണയപ്പെടുത്തിയത് ഭാര്യയേയും മക്കളേയും. ബുലാന്ദ്ഷര് സ്വദേശിയായ മുഹ്സിനാണ് ചൂതാട്ട ഭ്രമത്താല് ഭാര്യയേയും മക്കളേയും പണയപ്പെടുത്തിയത്.
മൊഹസിനെ ചൂതാട്ടത്തില് പരാജയപ്പെടുത്തിയയാള് യുവതിയെയും കുട്ടികളെയും കൂട്ടിക്കൊണ്ടു വരാന് വീട്ടിലെത്തിയതോടെയാണ് സംഭവം പുറംലോകം അറിഞ്ഞത്. ചൂതാട്ടത്തില് ഭാര്യയേയും മക്കളെയും മുഹ്സില് പണയം വെച്ചിരുന്നുവെന്നും മുഹസില് പരാജയപ്പെട്ടതിനാല് നിങ്ങള് ഒപ്പം വരണമെന്നും അയാള് ആവശ്യപ്പെട്ടുവെങ്കിലും യുവതി പോകാന് തയ്യാറായില്ല. തുടര്ന്ന് നാട്ടുകൂട്ടത്തിന്റെ മധ്യസ്ഥതയില് ഒരു കുട്ടിയെ വിജയിയ്ക്കൊപ്പം നിര്ബന്ധിച്ച് പറഞ്ഞയയ്ക്കാന് തീരുമാനമെടുത്തു. ഇതില് മനംനൊന്ത യുവതി മുഹ്സിനെതിരെ കോടതിയെ സമീപിക്കുകയും ഇയാള് ചൂതാട്ടത്തിന് അടിമയാണെന്ന ഇവരുടെ വാദം അംഗീകരിച്ച കോടതി വിവാഹ മോചനത്തിന് അപേക്ഷ നല്കുകയുമായിരുന്നു.
സംഭവത്തില് മുഹ്സില് അടക്കം ആറുപേര്ക്കെതിരെ കേസെടുക്കാന് കോടതി നിര്ദേശം നല്കി.
