തിരുവനന്തപുരം: പതിനാല് വര്ഷത്തിന് ശേഷം സന്തോഷ് ട്രോഫി കിരീടം തിരിച്ചുപിടിച്ച കേരള ടീമിന് സര്ക്കാര് സ്വീകരണം നല്കും. ഏപ്രില് ആറിന് വൈകിട്ട് നാല് മണിക്ക് തിരുവനന്തപുരം സെന്ട്രല് സ്റ്റേഡിയത്തിലാണ് സ്വീകരണ ചടങ്ങ്. ഏപ്രില് ആറ് വിജയദിനമായി ആചരിക്കാനും തീരുമാനിച്ചു. കേരള ടീം ക്യാപ്റ്റന് രാഹുല് വി. രാജിനെയും പരിശീലകന് സതീവന് ബാലനേയും ഫോണില് വിളിച്ച് മുഖ്യമന്ത്രി പിണറായി വിജയന് അഭിനന്ദിച്ചു.
സന്തോഷ് ട്രോഫി കിരീടം നേടിയ ടീമിനെ മുഖ്യമന്ത്രി പിണറായി വിജയനും ഗവര്ണര് പി. സദാശിവവും അഭിനന്ദിച്ചു. പതിനാല് വര്ഷത്തിന് ശേഷം കിരീടം തിരിച്ചുപിടിച്ചതിലൂടെ ഇന്ത്യന് ഫുട്ബോളില് കേരളത്തിന്റെ ആധിപത്യം തിരിച്ചുപിടിക്കാനായെന്ന് ഗവര്ണര് പറഞ്ഞു. ടീമംഗങ്ങള്ക്ക് അര്ഹമായ പാരിതോഷികം നല്കുമെന്ന് കായിക മന്ത്രി എ.സി മൊയ്തീന് അറിയിച്ചു. മമ്മൂട്ടി അടക്കമുള്ള താരങ്ങളും ടീമിനെ അഭിനന്ദിച്ചു.
