സുഡാനി ഫ്രം നൈജീരിയ എന്ന ചിത്രത്തിലുടെ ആരാധകരുടെ പ്രിയതാരമായ നടനാണ് സാമുവല് റോബിന്സണ്. സിനിമ തിയറ്ററുകളില് ഹൗസ്ഫുള് ആയി ഓടുന്നതിനിടെയാണ് നിര്മാതാക്കള്ക്കെതിരെ ഗുരുതര ആരോപണങ്ങളുമായി സാമുവല് രംഗത്തെത്തിയത്. ഫെയ്സ്ബുക്കിലൂടെയാണ് താരം ഗുരുതര ആരോപണങ്ങള് ഉയര്ത്തിയത്.
കൊച്ചിയില് അണിയറ പ്രവര്ത്തകര്ക്കൊപ്പം ചിത്രത്തിന്റെ പ്രചാരണാര്ത്ഥം സംഘടിപ്പിച്ച് വാര്ത്താ സമ്മേളനത്തില് പങ്കെടുത്തശേഷം നാട്ടിലേക്ക് തിരിച്ചുപോയതിനു ശേഷമാണ് നിര്മാതാക്കള് തന്നെ വഞ്ചിച്ചുവെന്ന് ആരോപണം ഉയര്ത്തിയത്. ഷൈജു ഖാലിദ്, സമീര് താഹിര് എന്നിവര്ക്കു നേരെയാണ് അതിരൂക്ഷ വിമര്ശനം താരം ഉയര്ത്തിയത്. എന്നാല് നിലവില് ഫെയ്സ്ബുക്കിലെ താരത്തിന്റെ അഭ്യര്ത്ഥനകളെല്ലാം അപ്രത്യക്ഷമായിരിക്കുകയാണ്.
ഇരുകൂട്ടരും തമ്മിലുള്ള പ്രശ്നങ്ങള് ഒത്തുതീര്പ്പായതിനു ശേഷം സാമുവല് തന്നെ ഇവ നീക്കം ചെയ്തതാണോ എന്ന് വ്യക്തമല്ല. ചിത്രത്തിലെ മറ്റു താരങ്ങളെക്കാളും വളരെ കുറഞ്ഞ തുകയാണ് തനിക്ക് പ്രതിഫലം നല്കിയതെന്നാണ് സാമുവല് ഫെയ്സ്ബുക്കില് കുറിച്ചത്. ഇതിനു പിന്നാലെ ചിത്രം നിര്മ്മിച്ച ഹാപ്പി അവേഴ്സ് എന്റര്ടെന്മെന്റിന്റെ ഔദ്യോഗിക പേജിലൂടെ നിര്മാതാക്കള് വിശദീകരണവ ുമായി രംഗത്തെത്തുകയും ചെയ്തു.
