ഗോള്ഡ്കോസ്റ്റ്: താമസ സ്ഥലത്തു നിന്ന് സിറിഞ്ച് കണ്ടെത്തിയെന്നാരോപിച്ച് ഇന്ത്യന് താരങ്ങളെ കോമണ്വെല്ത്ത് ഗെയിംസില് നിന്നു പുറത്താക്കിയ നടപടിക്കെതിരെ ഇന്ത്യന് ഒളിമ്പിക് അമസാസിയേഷന്. കുറ്റം തെളിയിക്കാതെ താരങ്ങള്ക്കെതിരെ സ്വീകരിച്ച നടപടിക്കെതിരെ അപ്പീല് നല്കുമെന്ന് ഐഒഎ വ്യക്തമാക്കി.
കോമണ്വെല്ത്ത് ഗെയിംസ് ഫെഡറേഷന്റെ തീരുമാനത്തോട് കടുത്ത വിയോജിപ്പുണ്ടെന്ന് ഐഒഎ ഗെയിംസ് വില്ലേജില് നടത്തിയ വാര്ത്താസമ്മേളനത്തില് വ്യക്തമാക്കി. ഇരുവര്ക്കുമെതിരായ നടപടി യുക്തിരഹിതമാണ്. താരങ്ങളുടെ രക്തവും മൂത്രവും പരിശോധന നടത്തി. എന്നാല് താരങ്ങള് മരുന്നടിച്ചതായി അധികൃതര്ക്ക് കണ്ടെത്താനായിട്ടില്ല. മാത്രമല്ല അപ്പാര്ട്ടുമെന്റില് ആറു പേരാണ് താമസിച്ചിരുന്നതെന്നും ഐഒഎ നടത്തിയ വാര്ത്താസമ്മേളനത്തില് തുറന്നടിച്ചു.
ഗെയിംസ് വില്ലേജില് ക്ലീനിങ്ങിന് എത്തിയവരാണ് ഇവരുടെ മുറിയ്ക്കു സമീപത്തു നിന്ന് ഉപയോഗിച്ച സിറിഞ്ചും, ബാഗില് നിന്ന് മറ്റൊരു സിറിഞ്ചും കണ്ടെത്തിയത്. തുടര്ന്ന് ഗെയിംസ് ഫെഡറേഷന് നടത്തിയ അന്വേഷണത്തില് ഇവര് കുറ്റക്കാരാണെന്ന് കണ്ടെത്തിയെന്നാരോപിച്ചാണ് കെടി ഇര്ഫാന്, രാകേഷ് ബാബു എന്നീ മലയാളി താരങ്ങളെ ഗെയിംസില് നിന്നും സസ്പെന്ഡ് ചെയ്തത്. താരങ്ങള് എത്രയും പെട്ടെന്ന് ഓസ്ട്രേലിയ വിടണമെന്നും സിജിഎഫ് അറിയിച്ചിട്ടുണ്ട്.
