ലോകത്തിലെ ഏറ്റവും വലിയ ഓണ്ലൈന് വ്യാപാരശ്യംഖലയാണ് ആമസോണ്. ആ ആമസോണിനുള്ളിലെ ജീവനക്കാര് അനുഭവിക്കുന്ന ഞെട്ടിക്കുന്ന വാര്ത്തയാണ് ഇപ്പോള് പുറത്തുവന്നിരിക്കുന്നത്. ആമസോണിന്റെ ബ്രിട്ടണിലെ ഓഫീസില് നടക്കുന്ന അരുംക്രൂരതയാണ് പുസ്തകരൂപത്തില് പുറത്തിറങ്ങിയിരിക്കുന്നത്.
ജോലിഭാരം കാരണം മൂത്ര മൊഴിക്കാനുള്ള ഇടവേളയെടുക്കാന് പോലും ജീവനക്കാര്ക്ക് ഭയമാണെന്നാണ് ആരോപണം. എഴുത്തുകാരനായ ജെയിംസ് ബ്ലഡ്വേത് ആണ് പുസ്തകം പുറത്തിറക്കിയത്. ആറു മാസം ബ്രിട്ടനിലെ ഏറ്റവും കുറഞ്ഞ വേതനത്തില് ജോലി ചെയ്യുന്നവര്ക്കിടയില് സേവനം ചെയ്തതിന്റെ അനുഭവങ്ങളാണ് (Hired; Six months Undercover in Low-Wage Britain) ജെയിംസ് ബ്ലഡ്വേത് എഴുതിയിരിക്കുന്നത്.
ഇത്തരം ആരോപണങ്ങള് അറിഞ്ഞതോടെ അതിന്റെ നിജസ്ഥിതി അറിയാനായി അവിടെ ജോലിക്കായി ജീവനക്കാരനായി പ്രവേശിച്ചതിനു ശേഷമാണ് ആറുമാസശത്ത അനുഭവങ്ങള് പുസ്തകത്തില് വിവരിച്ചിരിക്കുന്നത്. യുകെയിലെ സ്ട്രാറ്റ്ഫെഡ്ഷയറിലുള്ള ആമസോണിന്റെ വെയര് ഹൗസില് സാധനം മാറ്റുന്ന ജോലിക്കാര്ക്കാണ് കുപ്പികളില് മൂത്രമൊഴിക്കേണ്ട ഗതികേട്. ടോയ്ലറ്റ് കുറച്ചു ദൂരെയായതിനാല് പോയി തിരികെ വരാന് എടുക്കുന്ന സമയനഷ്ടം കമ്പനിയെ ബാധിക്കുമെന്നതിനാലാണ് ജീവനക്കാര്ക്ക് ഗതികേട് സഹിക്കേണ്ടി വരുന്നത്. എന്നാല് ഇതിനെതിരെ കമ്പനി അധികൃതര് രംഗത്തു വന്നു.
ഓര്ഗനൈസ് നടത്തിയ പഠനത്തിലും 74 ശതമാനത്തോളം ജീവനക്കാരും ടോയ്ലറ്റ് ഉപയോഗിക്കാന് മടിക്കുന്നവരാണെന്ന് പറയുന്നു. ആമസോണിലെ 88 ശതമാനം പേരും പറഞ്ഞത്് തങ്ങള്ക്ക് ഇനി ആമസോണില് ജോലി ചെയ്യാന് താല്പര്യം ഇല്ലെന്നാണ്. ലോകത്തിലെ അതിസമ്പന്നരില് ഒരാളായ ജെഫ് ബെയ്സോസിന്റെ ഉടമസ്ഥതയിലുള്ള വ്യാപാരശ്യംഖലയാണ് ആമസോണ്.
