തൃശ്ശൂര്: റീജീയണല് പുരസ്കാരം നേടിയ ഏക വ്യക്തി, ഇന്ധനം ലാഭിക്കുന്ന ജീവനക്കാര്ക്ക് ഓരോ ട്രിപ്പിനും 100 രൂപ വീതം അലവന്സ് മുടങ്ങാതെ വാങ്ങിയ ആള്.. പറഞ്ഞു വരുന്നത് കെഎസ്ആര്ടിസിയിലെ ഒരു ഡ്രൈവറെക്കുറിച്ചാണ്. ജീവനക്കാര് സ്ഥിരം പഴി കേള്ക്കുന്ന കെഎസ്ആര്ടിസിയിലാണ് ഒരു ചങ്ക് ഡ്രൈവര്. പക്ഷെ ആ ചങ്ക് ഡ്രൈവര് പടിയിറങ്ങുകയാണ്.
തൃശ്ശൂര് ഡിപ്പോയിലെ ഡ്രൈവറായ പുത്തൂര് വെട്ടുകാട്ട് സ്വദേശിയായ കെഎസ് വിജയനാണ് മെയ് 31 ന് വിരമിക്കുന്നത്. 18 വര്ഷമായി സര്വീസിലുണ്ടായിരുന്ന വിജയന് 15 വര്ഷത്തോളം ബെംഗളുരു സൂപ്പര് ഡീലക്സ് എയര് ബസിലായിരുന്നു. ഇത്രയും വര്ഷത്തെ സര്വീസിനിടയില് ഒരു അപകടം പോലും ഉണ്ടാക്കിയിട്ടില്ല.
കെഎസ്ആര്ടിസിയുടെ കണക്കു പ്രകാരം ബംഗളുരുവില് പോയി തിരികെ എത്താന് 210 ലിറ്റര് വേണം. എന്നാല് ഡ്രൈവിങ് സീറ്റില് വിജയന് ആണെങ്കില് പരമാവധി 200 ലിറ്ററായിരിക്കും ചിലവാകുക. 184 ലിറ്ററിലൊതുക്കിയും റെക്കോര്ഡിട്ടിട്ടുണ്ട്. ഒരു പോറല് പോലും വരുത്താതെയുള്ള അപകടത്തിനു പുറമെ മികച്ച മൈലേജും നേടിയെടുത്ത വിജയനെ തേടി കെഎസ്ആര്ടിസിയുടെ പുരസ്കാരം എംഡി ടോമിന് തച്ചങ.കരിയാണ് നേരിട്ടെത്തി സമ്മാനിച്ചത്.
