ബംഗളുരു: കര്ണാടക നിയമസഭാ തെരഞ്ഞെടുപ്പില് പരാജയം സമ്മതിക്കേണ്ടി വന്നുവെങ്കിലും ചാക്കിട്ട് പിടുത്തത്തിനുള്ള നീക്കം സജീവമായി നടക്കുന്നുവെന്ന സൂചന നല്കി ബി.ജെ.പി നേതാവ് ബി.എസ് യെദ്യൂരപ്പ. പല ജെ.ഡി.എസ്-കോണ്ഗ്രസ് എം.എല്.എമാരും ബി.ജെ.പിയിലേക്ക് വരാന് താല്പ്പര്യം പ്രകടിപ്പിക്കുന്നുണ്ടെന്ന് യെദ്യൂരപ്പ പറഞ്ഞു. മന്ത്രിസ്ഥാനം ലഭിക്കാത്ത എം.എല്.എമാരെ ഉദ്ദേശിച്ചായിരുന്നു യെദ്യൂരപ്പയുടെ പ്രസ്താവന.
സംസ്ഥാനത്ത് ശക്തമായ പ്രതിപക്ഷമാകാന് ശ്രമിക്കണമെന്നും അടുത്ത ലോക്സഭാ തെരഞ്ഞെടുപ്പിന് തയ്യാറാകാനും യെദ്യൂരപ്പ പാര്ട്ടി പ്രവര്ത്തകരോട് ആവശ്യപ്പെട്ടു. കോണ്ഗ്രസ്-ജെ.ഡി.എസ് ഭരണത്തില് അതൃപ്തരായി പുറത്തുവരുന്നവരെ സ്വീകരിക്കേണ്ടത് ബി.ജെ.പിയുടെ ചുമതലയാണ്. അത് പാര്ട്ടിയെ കൂടുതല് കരുത്തുറ്റതാക്കുമെന്നും യെദ്യൂരപ്പ കൂട്ടിച്ചേര്ത്തു.
Yeddyurappa has to accept the defeat, people haven't given him the mandate. Some leaders were unhappy but we have sorted the issues. I'm in touch with all MLAs nothing will go wrong: DK Shivakumar, Karnataka Min on Yeddyurappa’s claim of some Congs-JDS leaders wanting to join BJP pic.twitter.com/OOfSCobjI9
— ANI (@ANI) June 10, 2018
അതേസമയം ബി.എസ് യെദ്യൂരപ്പ പരാജയം അംഗീകരിക്കണമെന്നും ജനങ്ങള് അദ്ദേഹത്തിന് അധികാരം നല്കിയിട്ടില്ലെന്നും കോണ്ഗ്രസ് നേതാവും മന്ത്രിയുമായ ഡി.കെ ശിവകുമാര് പറഞ്ഞു. ചില നേതാക്കള്ക്ക് അതൃപ്തിയുണ്ട്. പക്ഷേ ഞങ്ങള് അത് പരിഹരിക്കും. താന് എല്ലാ എം.എല്.എമാരുമായും സംസാരിച്ചതാണ്. യാതൊരു പ്രശ്നവുമില്ലെന്നും ശിവകുമാര് പറഞ്ഞു.
