ന്യൂഡല്ഹി: അയോധ്യയിലെ ഭൂമി തര്ക്കത്തില് അനുനയ നീക്കവുമായി യു.പി ഷിയ വഖഫ് ബോര്ഡ്. തര്ക്കഭൂമിയില് മുസ്ലീം വിഭാഗത്തിന് അലഹാബാദ് ഹൈക്കോടതി അനുവദിച്ച ഭൂമിയുടെ മൂന്നിലൊന്ന് രാമ ക്ഷേത്രത്തിനായി വിട്ടുകൊടുക്കാന് തയ്യാറാണെന്ന് വഖഫ് ബോര്ഡ് വ്യക്തമാക്കി. ഐക്യത്തിനും സാമുദായിക സൗഹാര്ദം നിലനിര്ത്തുന്നതിനും ഭൂമി വിട്ടുകൊടുക്കാന് തയ്യാറാണെന്ന് വഖഫ് ബോര്ഡ് വ്യക്തമാക്കി. വഖഫ് ബോര്ഡിന് വേണ്ടി അഭിഭാഷകന് സുപ്രീം കോടതിയിലാണ് നിലപാട് അറിയിച്ചത്.
എന്നാല് ഷിയ ബോര്ഡിന്റെ നിലപാടിനെ മുതിര്ന്ന അഭിഭാഷകനായ രാജീവ് ധവാന് ശക്തമായി എതിര്ത്തു. ഷിയ ബോര്ഡിന് കേസില് അഭിപ്രായം പറയാന് അവകാശമില്ലെന്നും താലിബാന് ബാമിയാനിലെ ബുദ്ധപ്രതിമകള് തകര്ത്തതിന് സമാനമായാണ് ഹിന്ദു താലിബാന് ബാബ്റി മസ്ജിദ് തകര്ത്തതെന്നും രാജീവ് ധവാന് കുറ്റപ്പെടുത്തി. കേസില് യു.പി സര്ക്കാരിന്റെ നിലപാടിനേയും രാജീവ് ധവാന് രൂക്ഷമായി വിമര്ശിച്ചു. കേന്ദ്രസര്ക്കാരിന് ഏതെങ്കിലും കക്ഷിയോട് അനുഭാവം പുലര്ത്താനാകില്ലെന്നും അദ്ദേഹം കുറ്റപ്പെടുത്തി. സുന്നി ഹര്ജിക്കാരുടെ അഭിഭാഷകനാണ് രാജീവ് ധവാന്.
കേസ് ജൂലൈ 20ന് വീണ്ടും പരിഗണിക്കും. സുന്നി വിഭാഗക്കാരായ ഹര്ജിക്കാരുടെ വാദം അന്ന് തുടരും. നേരത്തെ മെയ് 17ന് ഹിന്ദു സംഘടനകളുടെ വാദം സുപ്രീം കോടതി കേട്ടിരുന്നു. ചീഫ് ജസ്റ്റിസ് ദീപക് മിശ്ര അധ്യഷനായ ബെഞ്ചാണ് കേസ് പരിഗണിക്കുന്നത്.
