ചെന്നൈ: കേന്ദ്രസര്ക്കാര് നയങ്ങളെ വിമര്ശിക്കരുതെന്ന് തമിഴ്നാട് കേന്ദ്രസര്വ കലാശാലയുടെ നിര്ദ്ദേശം. ദളിത് വിദ്യാര്ത്ഥികള്ക്കും അധ്യാപകര്ക്കുമെതിരായ പ്രതികാര നടപടിയില് കാസര്ഗോഡ് കേന്ദ്ര സര്വകലാശാലയില് പ്രതിഷേധം ശക്തമായ സാഹചര്യത്തിലാണ് തമിഴ്നാട് സര്വകലാശാലയുടെ നിര്ദ്ദേശം. അനധികൃത പ്രവര്ത്തനങ്ങളിലൂടെ സര്ക്കാര് നയങ്ങള്ക്കെതിരെ രംഗത്ത് വരരുതെന്നാണ് തിങ്കളാഴ്ച പുറത്തിറക്കിയ സര്ക്കുലറില് പറയുന്നത്.
സര്ക്കാര് നയങ്ങള്ക്കെതിരെ പ്രതിഷേധം സംഘടിപ്പിച്ചും അഭിപ്രായ വ്യത്യാസം തുറന്ന് പറഞ്ഞു. റാലി സംഘടിപ്പിച്ചും പൊതുസ്ഥലങ്ങളില് ഒത്തുചേര്ന്നും അനധികൃത ഇടപെടല് നടത്താന് ചില വിദ്യാര്ത്ഥികള് പദ്ധതിയിടുന്നതായി ശ്രദ്ധയില്പ്പെട്ടിട്ടുണ്ടെന്നും സര്ക്കുലര് പറയുന്നു. വിദ്യാഭ്യാസവും ഗവേഷണവുമായി ബന്ധപ്പെട്ട വിഷയങ്ങളല്ലാതെ മത-രാഷ്ട്രീയ വിഷയങ്ങളില് സമ്മേളനം നടത്തുന്നത് നിരോധിച്ചിരിക്കുന്നുവെന്നും സര്ക്കുലറില് പറയുന്നു.
തമിഴ്നാട്ടിലെ തിരുവാരൂര് ജില്ലയിലെ നീലക്കുടിയിലാണ് തമിഴ്നാട് കേന്ദ്രസര്വകലാശാല സ്ഥിതി ചെയ്യുന്നത്. ഫെയ്സ്ബുക്ക് പ്രതികരണം നടത്തിയതിനാണ് കാസര്ഗോഡ് കേന്ദ്രസര്വകലാശാലയിലെ ദളിത് വിദ്യാര്ത്ഥിക്കും അധ്യാപകനുമെതിരെ നടപടി സ്വീകരിച്ചത്.
