തിരുവനന്തപുരം: പ്രതലഷേധത്തിന്റെ പേരില് ജനങ്ങളെ ദ്രോഹിക്കാന് പാടില്ലെന്ന് വ്യക്തമാക്കി കെഎസ്ആര്ടിസി എംഡി ടോമിന് തച്ചങ്കരി. കെഎസ്ആര്ടിസിയിലെ സമരം വിലക്കിക്കൊണ്ടുള്ള ഹൈക്കോടതി വിധി ഐതിഹാസികമെന്നും തച്ചങ്കരി പറഞ്ഞു. സര്ക്കാരിന്റെയും മാനേജുമെന്റിന്റെയും നടപടികള്ക്കുള്ള അംഗീകാരമാണു ഈ ഹൈക്കോടതി വിധി.
മാനേജുമെന്റിനെതിരെയുള്ള പ്രതിഷേധത്തിന്റെ പേരില് ജനങ്ങളെ ദ്രോഹിക്കരുതെന്നും , മാനേജുമെന്റ് തൊഴിലാളി വിരുദ്ധരല്ലെന്നും തച്ചങ്കരി കൂട്ടിച്ചേര്ത്തു. പ്രളയദുരിതത്തിനു പിന്നാലെ ഇത്തരമൊരു സമരം സാമൂഹിക ബോധമുള്ള തൊഴിലാളി കൂട്ടായ്മകള് അംഗീകരിക്കില്ല. ഇപ്പോഴത്തെ സാഹചര്യത്തില് തൊഴിലാളികള്ക്ക് ആനുകൂല്യം വര്ദ്ധിപ്പിക്കാന് കഴിയില്ലെന്നും തച്ചങ്കരി വ്യക്തമാക്കി. അതേസമയം പരാതികള് പരിഹരിക്കാന് ചര്ച്ചയ്ക്കു തയാറാണെന്നും എംഡി അറിയിച്ചു.
