പാലക്കാട്: എടിഎമ്മില് നിന്നു പ്രതിദിനം പിന്വലിക്കാവുന്ന തുകയുടെ പരിധി 40,000ല് നിന്നും വെട്ടികുറച്ച് 20,000 രൂപയാക്കി സ്റ്റേറ്റ് ബാങ്ക് ഓഫ് ഇന്ത്യ(എസ്ബിഐ). പുതിയ നിയന്ത്രണം ഒക്ടോബര് 31ന് നിലവില് വരും. മാസ്ട്രോ, ക്ലാസിക് എടിഎം കാര്ഡുകള് ഉപയോഗിക്കുന്ന സാധാരണക്കാരെയാണ് ഇതു ബാധിക്കുക. ഉയര്ന്ന അക്കൗണ്ട് ഉടമകള്ക്കു ലഭിക്കുന്ന സില്വര്, ഗോള്ഡ്, പ്ലാറ്റിനം എടിഎം കാര്ഡുകള്ക്കും കറന്റ് അക്കൗണ്ടുകള്ക്കും പരിധി ബാധകമല്ല.
സേവന നിരക്കില്ലാതെ എടിഎം വഴി പണം പിന്വലിക്കാനുള്ള പരിധി അഞ്ചായി തുടരും. ഇതു മുന്നായി ചുരുക്കണമെന്നാവശ്യപ്പെട്ട് എസ്ബിഐ ഉള്പ്പെടെയുള്ള ദേശസാല്കൃത ബാങ്കുകള് ധനമന്ത്രാലയത്തെ സമീച്ചിട്ടുണ്ട്. പണമില്ലാത്ത എടിഎമ്മുകളില് ഇടപാടുകള് നടത്തുമ്പോഴും ഉപഭോക്താക്കളില് നിന്നു സേവന നിരക്ക് ഈടാക്കുന്നതു നിര്ത്തലാക്കാന് തീരുമാനമായില്ല. എടിഎം കാര്ഡ് ഉപയോഗിച്ചുള്ള തട്ടിപ്പു തടയാനും കറന്സിരഹിത ഇടപാട് പ്രോല്സാഹിപ്പിക്കാനുമാണ് നടപടിയെന്നു എസ്ബിഐ വ്യക്തമാക്കുന്നു. എന്നാല് മറ്റു ബാങ്കുകള് ഓന്നും പണം പിന്വലിക്കാനുള്ള പരിധി വെട്ടിക്കുറച്ചിട്ടില്ല. നോട്ട് അസാധുവാക്കലിനു ശേഷം എടിഎം വഴിയുള്ള ഇടപാടുകള് 20% കുറഞ്ഞതായാണ് എസ്ബിഐ അവകാശപ്പെടുന്നത്.
