ന്യൂഡല്ഹി: മീ ടൂ ക്യാമ്പയിന് ഇന്ത്യ മുഴുവന് കരുത്താര്ജ്ജിച്ച് മുന്നേറുമ്പോള് ഓള് ഇന്ത്യാ റേഡിയോയില് പരാതിക്കാരായ 9 പേര്ക്ക് പണി പോയി. മദ്ധ്യപ്രദേശ് ഷഹ്ദോല് സ്റ്റേഷന് അസിസ്റ്റന്റ് ഡയറക്ടര് രത്നാകര്ഭാരതിക്കെതിരേ ലൈംഗികാരോപണം നടത്തിയവരാണ് പുറത്തായത്്. അതേസമയം പുറത്തായവര് ഇദ്ദേഹത്തിനെതിരേ പീഡനത്തിന് പോലീസില് പരാതി നല്കി.
ഒരു വര്ഷം മുമ്പ് ആരോപണം ഓള്ഇന്ത്യാ റേഡിയോയിലെ ആഭ്യന്തര പരാതികമ്മറ്റി ശരി വെയ്ക്കുകയും ഭാരതി കുറ്റക്കാരനെന്ന് കണ്ടെത്തിയെങ്കിലും റേഡിയോയുടെ ഡല്ഹി ഹെഡ്ക്വാര്ട്ടേഴ്സില് അദ്ദേഹം സ്ഥാനത്ത് തുടരുകയായിരുന്നു. സമാനരീതിയില് ലൈംഗികാരോപണം ധര്മ്മശാല, ഒബ്രാ, സാഗര്, രാംപൂര്, കുരുക്ഷേത്ര, ഡല്ഹി സ്റ്റേഷനുകളിലും ഉയര്ന്നിരുന്നു.
അതേമസയം പ്രതിയെ വാണിംഗ് നല്കി വെറുതേ വിട്ടപ്പോള് കരാര് ജീവനക്കാരോട് ലീവില് പോകാന് ആഹ്വാനം ചെയ്തെന്നാണ് ജോലിക്കാരുടെ യൂണിയന് പറയുന്നത്. എല്ലാ പരാതിയിലും ആഭ്യന്തര കമ്മറ്റി പരിശോധന നടത്തി വരികയാണെന്നും രത്നാകര് ഭാരതിയെ ഷാദോലില് നിന്നും ഹെഡ് ക്വാര്ട്ടേഴ്സിലേക്ക് മാറ്റിയിട്ടുണ്ടെന്നും പറഞ്ഞു. പുറത്താക്കിയ ജീവനക്കാര് കരാര് താല്ക്കാലിക അടിസ്ഥാനത്തില് ജോലി ചെയ്യുന്നവരാണ്.
