സഹപ്രവര്‍ത്തകയുമായുള്ള ബന്ധത്തിന് തടസ്സം നിന്നതിന് എല്ലാറ്റിനെയും കൊന്നുതള്ളി ; മൂന്നുമാസം ഗര്‍ഭിണിയായിരുന്ന ഭാര്യയേയും മക്കളെയും കാണ്മാനില്ലെന്ന് പരാതി നല്‍കി...!!

കൊളറാഡോ: ഭാര്യയേയും മക്കളെയും കാണാനില്ലെന്നും അവരെ കണ്ടെത്താന്‍ സഹായിക്കണമെന്ന് സമൂഹ്യമാധ്യമങ്ങള്‍ വഴി അഭ്യര്‍ത്ഥന നടത്തിയയാള്‍ തന്നെ അവരുടെ കൊലപാതകിയും. കൊലക്കേസില്‍ കോളറാഡോക്കാരനായ ക്രിസ് വാട്‌സിനെയാണ് കുറ്റവാളിയാണെന്ന് കണ്ടെത്തിയത്. ഗര്‍ഭിണിയായിരുന്ന ഭാര്യയേയും പെണ്‍മക്കളെയും ഇയാള്‍ തന്നെയാണ് കൊന്നതെന്ന് കോടതി കണ്ടെത്തി.

ഒമ്പതു കുറ്റങ്ങള്‍ ചുമത്തപ്പെട്ട ക്രിസ്‌വാട്‌സിന് പക്ഷേ വധശിക്ഷ നല്‍കിയില്ലെന്ന് മാത്രം. ഭാര്യ ഷാനന്‍ വാട്‌സ്, നാലു വയസ്സുകാരിയായ മൂത്തമകള്‍ ബെല്ല, മൂന്നു വയസ്സുകാരിയായ ഇളയ മകള്‍ ബെല്ല എന്നിവരാണ് കൊല്ലപ്പെട്ടത്. മരിക്കുമ്പോള്‍ ഷാനന്‍ 15 ആഴ്ച ഗര്‍ഭിണിയായിരുന്നു. 34 കാരി ഷാനന്റെ മൃതദേഹം ഒരു സ്വകാര്യ ഓയില്‍ ആന്റ് ഗ്യാസ് കമ്പനിയുടെ വളപ്പില്‍ കുഴിച്ചിട്ട നിലയില്‍ കണ്ടെത്തിയപ്പോള്‍ കുട്ടികളുടെ മൃതദേഹം തൊട്ടടുത്ത് എണ്ണടാങ്കിനുള്ളില്‍ നിന്നും കണ്ടെത്തി.

തനിക്ക് മറ്റൊരു ബന്ധമുണ്ടെന്ന് അറിഞ്ഞ് ഭാര്യ ഒരു മകളെ കൊലപ്പെടുത്തുക ആയിരുന്നെന്നും ഭാര്യയെ താന്‍ ആക്രമിച്ചതിന് അവര്‍ അടുത്ത മകളെയും കൊലപ്പെടുത്തിയെന്നുമായിരുന്നു ഇയാള്‍ ആദ്യം പറഞ്ഞത്. എന്നാല്‍ ഇയാള്‍ തന്നെയാണ് എല്ലാവരേയും കൊലപ്പെടുത്തിയതെന്നാണ് പോലീസ് കണ്ടെത്തിയത്. തൊഴിലിടത്തെ മറ്റൊരു സ്ത്രീയുമായി ബന്ധമുണ്ടായിരുന്ന ഇയാള്‍ അവര്‍ക്ക് വേണ്ടി ഭാര്യയേയും മക്കളെയും ശ്വാസംമുട്ടിച്ച് കൊലപ്പെടുത്തുകയായിരുന്നു ഇയാള്‍. കൊളറാഡോയിലെ ചെറിയ നഗരമായാ ഫ്രെഡറിക്കിലെ വീട്ടിലേക്കുള്ള യാത്രയ്ക്കിടയില്‍ ഇവര്‍ ഇക്കാര്യം പറഞ്ഞ് വഴക്കുണ്ടാക്കി.

കഴിഞ്ഞ ആഗസ്റ്റില്‍ ഭാര്യയേയും മക്കളെയും കാണാനില്ലെന്ന് പറഞ്ഞ് ഇയാള്‍ വ്യാപക പ്രചരണം നടത്തിയിരുന്നു. അവര്‍ എവിടെയെങ്കിലും ജീവനോട് സുഖമായി കഴിയുകയാണെന്നും ഇയാള്‍ പറഞ്ഞു. കൊലപാതകം, മൃതദേഹത്തിന് കേടുവരുത്തല്‍, നിയമവിരുദ്ധമായി ഗര്‍ഭം അലസിപ്പിക്കല്‍ എന്നീ കുറ്റങ്ങളായിരുന്നു ചുമത്തിയത്. 24 മണിക്കൂറിനുള്ളില്‍ ഇയാള്‍ ഭാര്യയും കുട്ടികളും മരിച്ചതിന് അറസ്റ്റിലാകുകയും ചെയ്തു.