തിരുവനന്തപുരം : സനല് തന്റെ കാറിനു മുന്നിലേയ്ക്ക് തെറിച്ചു വീഴുകയായിരുന്നുവെന്ന് ഡ്രൈവര് നിഖില്. പെട്ടെന്ന് ബ്രേക്ക് ഇട്ട് വണ്ടി നിര്ത്താന് കഴിഞ്ഞതിനാല് അദ്ദേഹത്തിന്റെ ശരീരത്തില് വണ്ടി കയറിയില്ല. വീഴ്ചയുടെ ആഘാതത്തില് കൈയ്യൊക്കെ ഒടിഞ്ഞിരുന്നു.
അപകടമുണ്ടായ ഉടന് ആശുപത്രിയില് എത്തിക്കാന് ആരും ശ്രമിച്ചില്ലെന്നും 10-15 മിനിട്ടിനു ശേഷം ആംബുലന്സ് എത്തിയാണ് ആശുപത്രിയിലേയ്ക്ക് കൊണ്ടുപോയത്. പോലീസെത്തി കാര്യങ്ങള് അന്വേഷിച്ചു. തന്റെ കയ്യില് നിന്നും വണ്ടിയുടെ താക്കോല് വാങ്ങി. പോലീസ് പറഞ്ഞതനുസരിച്ച് പോലീസ് സ്റ്റേഷനിലെത്തി വിലാസവും ഫോണ്നമ്പരും എഴുതി നല്കി.
