തനിക്കെതിരെ മീടൂ ആരോപണം ഉന്നയിച്ച ദിവ്യ ഗോപിനാഥിനോട് നടന് അലന്സിയര് പരസ്യമായി ക്ഷമ ചോദിച്ചിരുന്നു. ടൈംസ് ഓഫ് ഇന്ത്യയിലൂടെയാണ് അലന്സിയര് ദിവ്യയോട് ക്ഷമ ചോദിച്ചത്. പരസ്യമായി ക്ഷമ ചോദിക്കണമെന്ന ദിവ്യയുടെ ആവശ്യപ്രകാരമാണ് അലന്സിയര് ക്ഷമ ചോദിച്ചത്. എന്റെ തെറ്റിന് ക്ഷമ ചോദിക്കുന്നു. ദിവ്യയോട് മാത്രമല്ല എന്റെ പ്രവൃത്തി മൂലം മുറിവേറ്റ എല്ലാ സഹപ്രവര്ത്തകരോടും ക്ഷമ ചോദിക്കുന്നതായും അലന്സിയര് പറഞ്ഞു. ഞാനൊരു വിശുദ്ധനല്ല. തെറ്റുകള് പറ്റുന്ന സാധാരണക്കാരനായ മനുഷ്യനാണ്. തെറ്റ് അംഗീകരിക്കുകയും ചെയ്തുപോയ പ്രവര്ത്തിയില് പശ്ചാത്തപിക്കുകയും ചെയ്യാനാണ് കഴിയുകയെന്നും അലന്സിയര് പറഞ്ഞു. ഇപ്പോള് സംഭവത്തില് പ്രതികരണവുമായി സിനിമയിലെ വനിത കൂട്ടായ്മ ഡബ്ല്യുസിസി രംഗത്തെത്തിയിരിക്കുകയാണ്.
മാധ്യമങ്ങളിലൂടെയാണ് അലന്സിയറിന്റെ മാപ്പു പറച്ചില് ലോകം അറിയുന്നത്. സിനിമയില് സ്ത്രീ അനുഭവിക്കുന്ന സുരക്ഷിതത്വമില്ലായ്മക്കും അപമാനത്തിനും ഇതൊരു പരിഹാരമൊന്നുമല്ലെന്നും എന്ന് ഞങ്ങള് മനസ്സിലാക്കുന്നു.
എല്ലാ തരത്തിലുമുള്ള ലൈംഗിക പീഡനങ്ങളെയും അപമാന ശ്രമങ്ങളെയും ഡബ്ല്യു.സി.സി. അപലപിക്കുന്നു. എന്നാല് നടന് അലന്സിയറിന്റെ ഈ മാപ്പപേക്ഷ മുറിവുണക്കലിന്റെ ചെറിയൊരു ആംഗ്യ പ്രകടനമായി ഞങ്ങള് വിലയിരുത്തുന്നു. അത്തരം അപമാനകരമായ പെരുമാറ്റങ്ങളെക്കുറിച്ചുള്ള തിരിച്ചറിവുകള് പ്രധാനമാണ്. ഈ മാപ്പു പറച്ചില് ഭാവിയില് അത്തരം തിരിച്ചറിവിന്റെ മുന്നോടിയായി കണക്കാക്കാവുന്നതാണെന്ന് ഡബ്യുസിസി ഫേസ് ബുക്ക് പേജില് കുറിച്ചു.
ഡബ്ല്യുസിസിയുടെ ഫേസ് ബുക്ക് കുറിപ്പിന്റെ പൂര്ണ്ണരൂപം:
തൊഴിലിടത്ത് അപമര്യാദയായി പെരുമാറിയതിന് ഞങ്ങളുടെ സഹപ്രവര്ത്തക ദിവ്യ ഗോപിനാഥിനോട് നടന് അലന്സിയര് മാപ്പു പറഞ്ഞിരിക്കുകയാണ്. മാധ്യമങ്ങളിലൂടെയാണ് ഇക്കാര്യം ലോകം അറിയുന്നത്. സിനിമയില് സ്ത്രീ അനുഭവിക്കുന്ന സുരക്ഷിതത്വമില്ലായ്മക്കും അപമാനത്തിനും ഇതൊരു പരിഹാരമൊന്നുമല്ലെന്നും എന്ന് ഞങ്ങള് മനസ്സിലാക്കുന്നു. എല്ലാ തരത്തിലുമുള്ള ലൈംഗിക പീഡനങ്ങളെയും അപമാന ശ്രമങ്ങളെയും ഡബ്ല്യു.സി.സി. അപലപിക്കുന്നു. എന്നാല് നടന് അലന്സിയറിന്റെ ഈ മാപ്പപേക്ഷ മുറിവുണക്കലിന്റെ ചെറിയൊരു ആംഗ്യ പ്രകടനമായി ഞങ്ങള് വിലയിരുത്തുന്നു. അത്തരം അപമാനകരമായ പെരുമാറ്റങളെക്കുറിച്ചുള്ള തിരിച്ചറിവുകള് പ്രധാനമാണ് . ഈ മാപ്പു പറച്ചില് ഭാവിയില് അത്തരം തിരിച്ചറിവിന്റെ മുന്നോടിയായി കണക്കാക്കാവുന്നതാണ്.
