നോമി(ജപ്പാന്): 2020 -ലെ ടോക്യോ ഒളിമ്പിക്സിന് യോഗ്യത നേടുന്ന ആദ്യ ഇന്ത്യന് അത്ലറ്റായി മലയാളി താരം കെ.ടി. ഇര്ഫാന്. ജപ്പാനിലെ നോമിയില് നടന്ന ഏഷ്യന് റേസ് വാക്കിങ് ചാമ്പ്യന്ഷിപ്പില് 20 കിലോമീറ്റര് നടത്തത്തില് മികച്ച പ്രകടനമാണ് ടോക്യോയിലേക്ക് നേരിട്ട് യോഗ്യത നേടിയത്.
20 കിലോമീറ്റര് നടത്തത്തില് ഒരു മണിക്കൂറും 20 മിനിറ്റും 57 സെക്കന്ഡുമെടുത്താണ് 29 കാരനായ ഇര്ഫാന് ഒളിമ്പിക്സിന്റെ യോഗ്യത മാര്ക്ക് കടന്നത്. ഈ ഇനത്തില് ജപ്പാന്റെ ടൊഷികാസു യമനിഷി സ്വര്ണ്ണം നേടി. ഒരു മണിക്കൂര് 17 മിനിറ്റ് 15 സെക്കന്ഡിലാണ് ജപ്പാന് താരം ഫിനിഷ് ചെയ്തത്. കാസാഖിസ്ഥാന്റെ ജോര്ജി ശഷയ്കോ, കൊറിയയുടെ ബെയോങ്ക്വാങ് ചോ എന്നിവരാണ് വെള്ളിയും വെങ്കലവും നേടിയത്.
ഈ പ്രകടനത്തോടെ ഈ വര്ഷം ദോഹയില് നടക്കുന്ന ലോക ചാമ്പ്യന്ഷിപ്പിലേക്കും ഇര്ഫാന് യോഗ്യത നേടി. ജനുവരി ഒന്നു മുതലാണ് ദീര്ഘദൂര ഇനങ്ങള്ക്കും മാരത്തണിനും ഒളിമ്പിക്സ് യോഗ്യത നേടുന്നതിനുള്ള സമയം ആരംഭിച്ചത്. 2020 മെയ് 31 ന് ഈ ഇനങ്ങളില് യോഗ്യത നേടുന്നതലനുള്ള അവസരം അവസാനിക്കും.
