കൊച്ചി: കണ്ണൂര് മട്ടന്നൂരിലെ യൂത്ത് കോണ്ഗ്രസ് പ്രവര്ത്തകനായിരുന്ന ഷുഹൈബിനെ കൊലപ്പെടുത്തിയ കേസില് പ്രതികള്ക്ക് ജാമ്യം. ഒന്നാം പ്രതി ആകാശ് തില്ലങ്കേരിയടക്കം നാല് പ്രതികള്ക്കാണ് ഹൈക്കോടതി ജാമ്യം അനുവദിച്ചത്. ആകാശ് തില്ലങ്കേരിയെ കൂടാതെ രണ്ടാം പ്രതി രഞ്ജി രാജ്, മൂന്നാം പ്രതി കെ ജിതിന്, നാലം പ്രതി സി എസ് ദീപ് ചന്ദ് എന്നിവര്ക്കുമാണ് ജാമ്യം ലഭിച്ചത്. ഒരു ലക്ഷം രൂപയുടെ ബോണ്ട്, മട്ടന്നൂര് പൊലീസ് സ്റ്റേഷന് പരിധിയില് കടക്കരുത് തുടങ്ങിയവയാണ് ജാമ്യവ്യവസ്ഥ.
2018 ഫെബ്രുവരി 12നാണ് ശുഹൈബ് കൊല്ലപ്പെട്ടത്. അര്ദ്ധരാത്രി കണ്ണൂര് തെരൂരിലെ തട്ടുകടയില് ഭക്ഷണം കഴിച്ചുകൊണ്ടിരിക്കെ ഷുഹൈബിനെ അക്രമിസംഘം വെട്ടിക്കൊലപ്പെടുത്തുകയായിരുന്നു. ബാംബെറിഞ്ഞ് ഭീകരാന്തരീക്ഷം സൃഷ്ടിച്ച ശേഷം ഷുഹൈബിനെയുെ കൂടെയുള്ളവരെയും വെട്ടുകയായിരുന്നു ഷുഹൈബിനെയും കൂടെയുള്ളവരെയും ആശുപത്രിയിലെത്തിക്കുന്നതും ആക്രമികള് വൈകിച്ചു. കോഴിക്കോട് മെഡിക്കല് കോളേജിലെത്തിക്കുന്നതിന് മുന്പ് രക്തം വാര്ന്ന് ഷുഹൈബ് മരിച്ചു.
