ഇറ്റാലിയന്-യുഎസ് കമ്പനി ഫിയറ്റ് ക്രൈസ്ലറും, ഫ്രഞ്ച് കമ്പനി റെനോയും തമ്മില് ലയിക്കുന്നു. ലയനം നടന്നാല് 8.7 ദശലക്ഷം കാറുകള് വര്ഷം നിര്മ്മിക്കാനുള്ള ശേഷിയിലേക്ക് കമ്പനി മാറും.
ഇതിന് പുറമെ 5 ബില്യണ് യൂറോയോളം വിവിധയിനങ്ങളില് ലാഭിക്കാനുമാകും. ലോകത്തിലെ ഏറ്റവും വലിയ മൂന്നാമത്തെ ഓട്ടോമൊബൈല് കമ്പനിയായി പുതിയ കമ്പനി മാറും.
ഫിയറ്റ് ക്രൈസ്ലര് ആണ് പദ്ധതിക്ക് രൂപം കൊടുത്തത്. റെനോ ഓഹരിയുടമകള് ഇത് ഇപ്പോഴും സ്വീകരിച്ചിട്ടില്ല. റെനോ പ്രത്യേക ബോര്ഡ് യോഗം ചേരുന്നുണ്ട്. ഇതിന് ശേഷം ഭാവി പരിപാടികള് തീരുമാനിക്കും.
അതുവരെ മാധ്യമങ്ങളോട് പ്രതികരിക്കില്ല. ഫിയറ്റിനും റെനോയ്ക്കും 50 ശതമാനം വീതം ഓഹരിപങ്കാളിത്തമുള്ള കമ്പനിയാണ് രൂപീകരിക്കുക. റെനോയ്ക്ക് ജപ്പാനില് നിന്നുള്ള നിസ്സാന്, മിത്സുബിഷി കമ്പനികളുമായി സഹകരണമുണ്ട്.
അമേരിക്കന് വാര്ത്താ ഏജന്സി അസോഷ്യേറ്റഡ് പ്രസാണ് ഇരുകമ്പനികളുടെയും ലയനത്തെ കുറിച്ച് റിപ്പോര്ട്ട് ചെയ്തത്.
