തിരുവനന്തപുരം: വയലിനിസ്റ്റ് ബാലഭാസ്കറിന്റെ മരണത്തില് ദുരൂഹത ഉണര്ത്തുന്ന പുതിയ വെളിപ്പെടുത്തല്. അപകടം നടന്ന സ്ഥലത്തു നിന്ന് ഒരാള് ഓടിപ്പോകുന്നതു കണ്ടെന്നും, മറ്റൊരാള് ബൈക്ക് സ്റ്റാര്ട്ട് ചെയ്ത് കാലു കൊണ്ട് തുഴഞ്ഞു പോകുന്നതും കണ്ടതായി മിമിക്രി കലാകാരന് കലാഭവന് സോബി വെളിപ്പെടുത്തി. അപകടം നടന്നു പത്തു മിനിറ്റിനുള്ളില് അപകട സ്ഥലത്തു നിന്ന് കണ്ട ദുരൂഹമുണര്ത്തുന്ന കാഴ്ചയാണ് സോബി വെളിപ്പെടുത്തിയിരിക്കുന്നത്.
സംഭവ സമയത്ത് ഓടിപ്പോയ ഇരുവരുടെയും മുഖത്ത് എന്തോ അസ്വസ്ഥത പ്രകടമായിരുന്നു. പിന്നീടാണ് അപകടത്തില്പ്പെട്ടതു ബാലഭാസ്കറാണെന്ന് അറിഞ്ഞതെന്നും സോബി പറയുന്നു. തുടര്ന്ന് ഇക്കാര്യം സുഹൃത്തായ മധു ബാല കൃഷ്ണനെ അറിയിച്ചു. മധു ബാലകൃഷ്ണന് പ്രകാശ് തമ്പിയുടെ ഫോണ് നമ്പര് തന്നു. കണ്ട കാര്യങ്ങളെല്ലാം പ്രകാശ് തമ്പിയോട് പറഞ്ഞെങ്കിലും ഇതുമായി ബന്ധപ്പെട്ട് തുടര് നടപടികള് ഒന്നും ഉണ്ടായില്ലെന്നും സോബി പറയുന്നു. ബാലഭാസ്കറുമായി അടുപ്പമുള്ള രണ്ടുപേര് സ്വര്ണ്ണക്കടത്തുമായി പിടിയിലായതോടെയാണ് ഇക്കാര്യത്തില് സംശയം തോന്നിയതെന്നും സോബി വെളിപ്പെടുത്തി.
ബാലഭാസ്കറുമായി ബന്ധമുള്ള പ്രകാശന് തമ്പിക്കും വിഷ്ണുവിനും സ്വര്ണ്ണക്ടത്തില് നേരിട്ട് പങ്കുള്ളത്. പ്രകാശന് തമ്പിയെ ഡിആര്ഐ സംഘം അറസ്റ്റ് ചെയ്തിരുന്നു. ഇരുവരും ബാലഭാസ്കറുമായുണ്ടായിരുന്ന ബന്ധം ഉള്പ്പെടെയുള്ള കാര്യങ്ങളും മരണത്തിലെ ദുരൂഹതയും അന്വേഷിക്കണമെന്നും ആവശ്യപ്പെട്ട് ബാലഭസ്കറിന്റെ പിതാവ് ഉണ്ണി മുഖ്യമന്ത്രിക്കും ഡിജിപിക്കും പരാതി നല്കിയിരുന്നു. ഇതേതുടര്ന്നാണ് ക്രൈംബ്രാഞ്ച് അംഘം അന്വേഷണം നടത്തുന്നത്.
