തിരുവനന്തപുരം: സംസ്ഥാനത്ത് മഴക്കെടുതി രൂക്ഷമായി തുടരുന്നതിനിടെ ദുരന്തനിവാരണ പ്രവർത്തനങ്ങളിൽ സർക്കാരിന് ഗുരുതര വീഴ്ചയുണ്ടായെന്ന് ആരോപിച്ച് പ്രതിപക്ഷ നേതാവ് പിണറായി വിജയൻ രംഗത്തെത്തി. ഫേസ്ബുക്ക് കുറിപ്പിലൂടെയാണ് അദ്ദേഹം സർക്കാരിന്റെ പ്രവർത്തനങ്ങളെ വിമർശിച്ചത്.
റാന്നിയിൽ ആവശ്യമായ മുന്നറിയിപ്പില്ലാതെ ഡാം തുറന്നുവിട്ടത് ജനങ്ങളെയും വ്യാപാരികളെയും കടുത്ത പ്രതിസന്ധിയിലാക്കിയെന്ന് അദ്ദേഹം ആരോപിച്ചു. പെട്ടെന്ന് വെള്ളം കയറിയതോടെ വ്യാപാരികൾക്ക് കടകളിലെ സാധനങ്ങൾ സുരക്ഷിത സ്ഥാനത്തേക്ക് മാറ്റാൻ പോലും സമയം ലഭിച്ചില്ലെന്നും ഇതുമൂലം പലർക്കും വലിയ സാമ്പത്തിക നഷ്ടമുണ്ടായെന്നും അദ്ദേഹം പറഞ്ഞു.
സംസ്ഥാനത്ത് നിലവിൽ 209 ദുരിതാശ്വാസ ക്യാമ്പുകളിലായി 5,792 പേരാണ് കഴിയുന്നതെന്ന് ചൂണ്ടിക്കാട്ടിയ അദ്ദേഹം, ക്യാമ്പുകളിലെ ഭക്ഷണവിതരണത്തിൽ പോലും ഏകോപനക്കുറവുണ്ടായതായി ആരോപിച്ചു. പല സ്ഥലങ്ങളിലും സന്നദ്ധ പ്രവർത്തകരും നാട്ടുകാരും രാഷ്ട്രീയ പ്രവർത്തകരും ചേർന്നാണ് ഭക്ഷണം തയ്യാറാക്കി വിതരണം ചെയ്യേണ്ടി വന്നതെന്നും അദ്ദേഹം വ്യക്തമാക്കി.
മഴക്കെടുതിയിൽ ഇതുവരെ എട്ട് പേർ മരിക്കുകയും എട്ട് പേരെ കാണാതാകുകയും ചെയ്ത സാഹചര്യത്തിൽ കാണാതായവർക്കായുള്ള തിരച്ചിൽ കൂടുതൽ ഊർജിതമാക്കണമെന്ന് പിണറായി വിജയൻ ആവശ്യപ്പെട്ടു. ദുരന്തബാധിതർക്ക് ഭക്ഷണം, കുടിവെള്ളം, മരുന്ന്, സുരക്ഷിത താമസം, മതിയായ നഷ്ടപരിഹാരം എന്നിവ അടിയന്തരമായി ഉറപ്പാക്കണമെന്നും അദ്ദേഹം ആവശ്യപ്പെട്ടു.
അതേസമയം, ദുരന്തനിവാരണ പ്രവർത്തനങ്ങളിലെ വീഴ്ചകൾ പരിശോധിച്ച് അവ ആവർത്തിക്കാതിരിക്കാനുള്ള നടപടികൾ സ്വീകരിക്കണമെന്നും സർക്കാർ സംവിധാനങ്ങളും തദ്ദേശ സ്ഥാപനങ്ങളും സന്നദ്ധ പ്രവർത്തകരും പൊതുസമൂഹവും ഒറ്റക്കെട്ടായി പ്രവർത്തിക്കണമെന്നും അദ്ദേഹം ഫേസ്ബുക്ക് കുറിപ്പിൽ അഭ്യർഥിച്ചു.
റാന്നിയിൽ ആവശ്യമായ മുന്നറിയിപ്പില്ലാതെ ഡാം തുറന്നുവിട്ടത് ജനങ്ങളെയും വ്യാപാരികളെയും കടുത്ത പ്രതിസന്ധിയിലാക്കിയെന്ന് അദ്ദേഹം ആരോപിച്ചു. പെട്ടെന്ന് വെള്ളം കയറിയതോടെ വ്യാപാരികൾക്ക് കടകളിലെ സാധനങ്ങൾ സുരക്ഷിത സ്ഥാനത്തേക്ക് മാറ്റാൻ പോലും സമയം ലഭിച്ചില്ലെന്നും ഇതുമൂലം പലർക്കും വലിയ സാമ്പത്തിക നഷ്ടമുണ്ടായെന്നും അദ്ദേഹം പറഞ്ഞു.
സംസ്ഥാനത്ത് നിലവിൽ 209 ദുരിതാശ്വാസ ക്യാമ്പുകളിലായി 5,792 പേരാണ് കഴിയുന്നതെന്ന് ചൂണ്ടിക്കാട്ടിയ അദ്ദേഹം, ക്യാമ്പുകളിലെ ഭക്ഷണവിതരണത്തിൽ പോലും ഏകോപനക്കുറവുണ്ടായതായി ആരോപിച്ചു. പല സ്ഥലങ്ങളിലും സന്നദ്ധ പ്രവർത്തകരും നാട്ടുകാരും രാഷ്ട്രീയ പ്രവർത്തകരും ചേർന്നാണ് ഭക്ഷണം തയ്യാറാക്കി വിതരണം ചെയ്യേണ്ടി വന്നതെന്നും അദ്ദേഹം വ്യക്തമാക്കി.
മഴക്കെടുതിയിൽ ഇതുവരെ എട്ട് പേർ മരിക്കുകയും എട്ട് പേരെ കാണാതാകുകയും ചെയ്ത സാഹചര്യത്തിൽ കാണാതായവർക്കായുള്ള തിരച്ചിൽ കൂടുതൽ ഊർജിതമാക്കണമെന്ന് പിണറായി വിജയൻ ആവശ്യപ്പെട്ടു. ദുരന്തബാധിതർക്ക് ഭക്ഷണം, കുടിവെള്ളം, മരുന്ന്, സുരക്ഷിത താമസം, മതിയായ നഷ്ടപരിഹാരം എന്നിവ അടിയന്തരമായി ഉറപ്പാക്കണമെന്നും അദ്ദേഹം ആവശ്യപ്പെട്ടു.
അതേസമയം, ദുരന്തനിവാരണ പ്രവർത്തനങ്ങളിലെ വീഴ്ചകൾ പരിശോധിച്ച് അവ ആവർത്തിക്കാതിരിക്കാനുള്ള നടപടികൾ സ്വീകരിക്കണമെന്നും സർക്കാർ സംവിധാനങ്ങളും തദ്ദേശ സ്ഥാപനങ്ങളും സന്നദ്ധ പ്രവർത്തകരും പൊതുസമൂഹവും ഒറ്റക്കെട്ടായി പ്രവർത്തിക്കണമെന്നും അദ്ദേഹം ഫേസ്ബുക്ക് കുറിപ്പിൽ അഭ്യർഥിച്ചു.
Comments