മലയാളത്തിലെ എക്കാലത്തേയും സൂപ്പര്ഹിറ്റ് ആക്ഷന് ത്രില്ലര്, മമ്മൂട്ടി അമല്നീരദ് കൂട്ടുകെട്ടില് ഒരുങ്ങിയ ബിഗി ബിയിലൂടെയാണ് നഫീസ അലിയെ മലയാളികള് ശ്രദ്ധിക്കുന്നത്. മേരി ടീച്ചര് എന്ന പേരിലാണ് താരം അറിയപ്പെടുന്നത്. കഴിഞ്ഞ കുറച്ചു നാളുകളായി ക്യാന്സറിന്റെ ചികിത്സയിലാണ് താരം. ഇപ്പോള് ക്യാന്സറിനെ അതിജീവിച്ച് ജീവിതത്തിലേക്ക് തിരികെ വരികയാണ് മേരി ടീച്ചര്. തന്റെ ഇന്സ്റ്റഗ്രാം പോസ്റ്റിലൂടെയാണ് ഇത് വ്യക്തമാക്കിയത്.
തന്റെ മുടി കിളിര്ത്തു വരികയാണെന്നും സാധാരണ നിലയിലേക്ക് വരാന് കാത്തിരിക്കുകയാണെന്നും പറഞ്ഞാണ് പോസ്റ്റ്. ' എനിക്കിപ്പോള് മുടി കിളിര്ത്തുവരുന്നുണ്ട്. പക്ഷെ കണ്പീലിയും പുരികവും വരാനുണ്ട്. അത് സാരമില്ല. ഞാന് സാധാരണ നിലയിലേക്ക് തിരിച്ചുവരാന് കാത്തിരിക്കുന്നു.' നഫീസ കുറിച്ചു.
ആരാധകരെ ഞെട്ടിച്ച് പെരിറ്റോണിയല് ക്യാന്സര് ബാധിതയാണെന്ന് കഴിഞ്ഞ വര്ഷമാണ് നഫീസ വെളിപ്പെടുത്തിയത്. രോഗത്തിന്റെ മൂന്നാം ഘട്ടത്തിലാണ് താനെന്ന് നഫീസ പറഞ്ഞിരുന്നു. ക്യാന്സറുമായുള്ള പോരാട്ടത്തിന്റെ വിവരങ്ങള് ഇന്സ്റ്റഗ്രാമില് പങ്കുവെയ്ക്കാറുമുണ്ട്. വിട്ടുമാറാത്ത വയറുവേദനയുമായിരുന്നു രോഗത്തിന്റെ ലക്ഷണം എന്ന് നഫീസ പറയുന്നു.
ഡോക്ടര് മാരെ കാണിച്ചുവെങ്കിലും ആര്ക്കും അസുഖം കണ്ടുപിടിക്കാനായില്ല. ഒടുവില് മാക്സ് ഓങ്കോളജി ഡേകെയര് സെന്ററിലെ സീനിയര് ഡയറക്ടര് ഡോ. പ്രമോദ് കുമാര് ജൂല്കയാണ് നഫീസയുടെ രോഗം കണ്ടുപിടിക്കുന്നത്.
സിനിമ പ്രവര്ത്തക എന്നതിലുപരി നഫീസ രാഷ്ട്രീയ പ്രവര്ത്തക, ദേശീയ നിന്തല് താരം, എന്നീ നിലകളിലും പ്രശസ്തയാണ്. മലയാളത്തില് ബിഗ് ബിക്ക് ശേഷം നാല് ഹിന്ദി സിനിമകളിലും താരം അഭിനയിച്ചിരുന്നു. 1976ലെ ഫെമിന മിസ്സ് ഇന്ത്യ, മിസ് ഇന്റര് നാഷണല് സെക്കണ്ട് റണ്ണറപ്പായ നഫീസ അലി അവസാനം വേഷമിട്ടത് സാഹിബ് ബീവി ഓര് ഗാങ്സ്റ്റര് എന്ന ചിത്രത്തിലാണ്.
