വടകര: ലോക്സഭാ തിരഞ്ഞെടുപ്പില് വടകരയിലെ സ്വതന്ത്ര സ്ഥാനാര്ത്ഥിയായിരുന്ന സി.ഒ.ടി നസീറിനെ ആക്രമിക്കുന്നതിന്റെ സിസിടിവി ദൃശ്യങ്ങള് പുറത്ത്. വീണു കിടക്കുന്ന നസീറിനെ വെട്ടുന്നതും ശരീരത്തിലേക്ക് ബൈക്ക് ഓടിച്ച് കയറ്റുന്നതും ദൃശ്യങ്ങളില് വ്യക്തമാണ്.
കഴിഞ്ഞ മാസം 18 നാണ് തലശേരിക്ക് സമീപം നസീര് ആക്രമത്തിനിരയായത്. 11 പേരുടെ പ്രതിപ്പട്ടികയില് നിലവില് അഞ്ചു പ്രതികളെ മാത്രമാണ് പോലീസ് പിടികൂടിയിരിക്കുന്നത്. സിസിടിവി ദൃശ്യങ്ങള് പോലീസ് വിശദ പരിശോധനയ്ക്ക് വിധേയമാക്കുകയാണ്.
അതേസമയം അന്വേഷണം തൃപ്തികരമല്ലെന്നും തലശേരി എംഎല്എ എഎന് ഷംസീറിന് ആക്രമത്തില് പങ്കുണ്ടെന്നും നസീര് ആരോപിച്ചിരുന്നു. ഇതു സംബ്നധിച്ച് അന്വേഷണം നടത്തണമെന്നാണ് നസീര് ആവശ്യപ്പെടുന്നത്. നസീറിനെതിരെ നടന്ന വധശ്രമം സംബ്നധിച്ച് സിപിഎം പാര്ട്ടി തല അന്വേഷണവും നടക്കുന്നുണ്ട്.
