പോയവര്ഷം കോഴിക്കോട് നിരവധി ജീവനുകളെടുത്ത നിപ വൈറസ് ബാധയെ കുറിച്ച് ആഷിഖ് അബു ഒരുക്കിയ വൈറസ് എന്ന ചിത്രം മികച്ച പ്രതികരണം തേടി പ്രദര്ശനം തുടരുകയാണ്. നിപ കാലഘട്ടില് വീണ് പോയവരും തരണം ചെയ്തവരുമുള്പ്പെടെ സാധാരണക്കാരും മറ്റ് രാഷ്ട്രീയ സാമൂഹിക രംഗത്തുള്ളവരും ഡോക്ടര്മാരും നെഴ്സുമാരും ചിത്രത്തില് കഥാപാത്രങ്ങളായിരുന്നു.
ചിത്രത്തില് നഴ്സ് ലിനിയും, ആരോഗ്യമന്ത്രി കെകെ ശൈലജയും തുടങ്ങി നിരവധി പേരെ താരങ്ങളിലൂടെ ആഷിഖ് അബു അവതരിപ്പിച്ച് കൈയ്യടി നേടി. എന്നാല് ഇപ്പോള് ആഷിഖ് അബുവിനെതിരെ വിമര്ശനവുമായി രംഗത്തെത്തിയിരിക്കുകയാണ് നടന് ഹരീഷ് പേരടി. നിപയുടെ ചരിത്രം പ്രമേയമാക്കിയ സിനിമയില് കേരള മുഖ്യമന്ത്രി പിണറായി വിജയനെ പരാമര്ശിക്കാതിരുന്നത് ചരിത്രനിഷേധമാണെന്ന് ഹരീഷ് പേരടി ഫേസ്ബുക്കില് കുറിച്ചു.
ഹരീഷ് പേരടിയുടെ ഫേസ്ബുക്ക് പോസ്റ്റിന്റെ പൂര്ണരൂപം;
ഏല്ലാ കഥാപാത്രങ്ങളും ഒര്ജിനലായിട്ടും ശരിക്കും ഒര്ജിനലായ ഒരാള് മാത്രം കഥാപാത്രമാവുന്നില്ല .... ഇത്രയും ദീര്ഘവീക്ഷണമുള്ള ഒരു മുഖ്യമന്ത്രിയെ പരാമര്ശിക്കാതെ നീപ്പയുടെ ചരിത്രം സിനിമയാക്കുന്നത് ചരിത്ര നിഷേധമാണ്... വരും തലമുറയോട് ചെയ്യുന്ന അനിതിയാണ്. പ്രത്യകിച്ചും സിനിമ എന്ന മാധ്യമം ഒരു പാട് തലമുറയോട് നേരിട്ട് സംസാരിക്കുന്ന ഒരു ചരിത്ര താളായി നില നില്ക്കുന്നതുകൊണ്ടും ....ശൈലജ ടീച്ചറുടെ സേവനം മുഖവിലക്കെടുത്തു കൊണ്ടു തന്നെ പറയട്ടെ ഈ പിണറായിക്കാരനെ മറന്ന് കേരള ജനതക്ക് ഒരു നീപ്പകാലവും പ്രളയകാലവും ഓര്ക്കാനെ പറ്റില്ലാ...മഹാരാജാസിലെ SFIക്കാരനായ നിങ്ങള്ക്കു പോലും ഇത് പറ്റിയിട്ടില്ലെങ്കില് പിന്നെ ആര്ക്കാണ് ആഷിക്ക് ചരിത്രത്തിന്റെ മുന്നില് തെളിഞ്ഞ് നില്ക്കാന് പറ്റുക ....
