ന്യൂഡല്ഹി: ജാര്ഖണ്ഡില് ആള്ക്കൂട്ടം മര്ദ്ദിച്ചുകൊന്ന താബ്രെസ് അന്സാരിയുടെ കുടുംബത്തിന് അഞ്ച് ലക്ഷം രൂപയും ഭാര്യയ്ക്ക് ജോലിയും നല്കുമെന്ന് ഡല്ഹി വഖഫ് ബോര്ഡ്. ഡല്ഹി വഖഫ് ബോര്ഡിന്റെ ചെയര്മാന് അമാനത്തുള്ള ഖാന് എം.എല്.എ അറിയിച്ചതാണ് ഇക്കാര്യം. അന്സാരിയുടെ കുടുംബത്തെ നേരിട്ട് സന്ദര്ശിക്കുമെന്നും എല്ലാ നിയമസഹായവും നല്കുമെന്നും ഖാന് അറിയിച്ചു.
കഴിഞ്ഞ ബുധനാഴ്ചയാണ് അക്രമികഹ അന്സാരിയെ പോസ്റ്റില് കെട്ടിയിട്ട് മര്ദ്ദിച്ചത്. മോഷണക്കുറ്റം ആരോപിച്ചായിരുന്നു മര്ദ്ദനം. തുടര്ന്ന് ജയ് ശ്രീറാം വിളിപ്പിക്കുകയും ചെയ്തു. മണിക്കൂറുകളോളം ക്രൂരമായി മര്ദ്ദിച്ചതിന് ശേഷമാണ് അന്സാരിയെ പോലീസിന് കൈമാറിയത്. പോലീസ് ഇയാളെ ആശുപത്രിയില് പ്രവേശിപ്പിച്ചുവെങ്കിലും മരണം സംഭവിച്ചു. സംഭവുമായി ബന്ധപ്പെട്ട് നാല് പേരെ പോലീസ് അറസ്റ്റ് ചെയ്തിരുന്നു.
ഒരിടവേളയ്ക്ക് ശേഷം വീണ്ടും ആള്ക്കൂട്ട കൊലപാതകങ്ങള് സജീവമാകുന്നതിനിടെ പ്രധാനമന്ത്രി മോഡിയും രാഷ്ട്രപതി മന്മോഹന് സിംഗും കൊലപാതകത്തെ അപലപിച്ചിരുന്നു. പാര്ലമെന്റിലെ നന്ദി പ്രമേയ ചര്ച്ചയിലാണ് ഇരുവരും കൊലപാതകത്തെ അപലപിച്ചത്.
