കൊച്ചി: കര്ദ്ദിനാള് മാര് ജോര്ജ് ആലഞ്ചേരിക്കെതിരെ നടത്തിയ ഉപവാസ പ്രാര്ത്ഥനാ സമരം പൂര്ണ വിജയമെന്ന് സഭാ സുതാര്യ സമിതി. എറണാകുളം -അങ്കമാലി അതിരൂപതയിലെ ഭൂരിപക്ഷം വൈദീകര് പല തവണ അതിരൂപതയിലെ പ്രശ്നങ്ങള് പല തവണ ശ്രദ്ധയില്പ്പെടുത്താന് ശ്രമം നടത്തിയെങ്കിലും സിനഡോ മെത്രാന്മാരോ അറിഞ്ഞതായി ഭാവിച്ചില്ലെന്നും, എന്നാല് ഉപവാസ സമരം ആരംഭിച്ചതിനു പിന്നാലെ അഞ്ചര മണിക്കൂറോളം പ്രശ്നങ്ങള് നേരിട്ട് സ്ഥിരം സിനഡുമായി ചര്ച്ച ചെയ്യനായ വസ്തുതയും എഎംറ്റി പുറത്തിറക്കിയ പത്രക്കുറിപ്പില് വ്യക്തമാക്കുന്നു.
എറണാകുളം- അങ്കമാലി അതിരൂപതയിലെ വൈദികര് നടത്തിവന്ന അനിശ്ചിതകാല ഉപവാസ സമരം സ്ഥിരം സിനഡിന്റെ ഉറപ്പിനെ തുടര്ന്നാണ് പിന്വലിച്ചത്.
എഎംറ്റി പുറത്തിറക്കിയ പത്രക്കുറിപ്പിന്റെ പൂര്ണരൂപം:
അതിരൂപതയുടെ നിലനില്പിന് വേണ്ടി.. ധീരമായി ഉപവാസസമരം നയിച്ചു ലക്ഷ്യത്തിലേക്ക് ചുവട് വച്ച വൈദികര്ക്ക് അഭിനന്ദനങ്ങള്..*
സഭാ സുതാര്യ സമിതി
കൊച്ചി : കഴിഞ്ഞ മൂന്ന് ദിവസം ഉപവാസ പ്രാര്ത്ഥന നടത്തി എറണാകുളം അങ്കമാലി അതിരൂപതയുടെ നിലനില്പിന് വേണ്ടി സഹന സമരം നയിച്ച അതിരൂപതയിലെ മുഴുവന് വൈദികര്ക്കും എഎംറ്റി ഹൃദയം നിറഞ്ഞ അഭിനന്ദനങ്ങള് നേരുന്നു.
എറണാകുളം അതിരൂപതയിലെ ഭൂരിപക്ഷം വൈദീകര് യോഗം ചേര്ന്ന് പ്രമേയം പാസ്സാക്കി.. ആ പ്രമേയം 365 വൈദീകര് ഒപ്പിട്ട് സീറോ മലബാര് സഭയിലെ സിനഡ് അംഗങ്ങളായ മുഴുവന് മെത്രാന്മാര്ക്കും അയച്ചു കൊടുത്തു. അതിരൂപതയിലെ മുഴുവന് ഇടവകയില് നിന്നും രണ്ടു പ്രതിനിധികളും അല്മായ സംഘടന ഭാരവാഹികളും അടക്കം 1200പേര് ഒന്നിച്ചു കൂടി വീണ്ടും മറ്റൊരു പ്രമേയം പാസ്സാക്കി. ഇതൊന്നും സഭയുടെ മെത്രാന്മാരോ സിനഡോ അറിഞ്ഞതായി പോലും ഭാവിച്ചില്ല. *എന്നാല് രണ്ടു ദിവസം മുന്പ് ഉപവാസപ്രാര്ത്ഥന ആരംഭിച്ചു വെറും മൂന്നു മണിക്കൂര് കഴിഞ്ഞപ്പോള് സ്ഥിരം സിനഡ് അംഗങ്ങള് വൈദികരെ ചര്ച്ചക്ക് വിളിക്കുകയും ഇന്നലെ തുടര്ച്ചയായി അഞ്ചര മണിക്കൂര് അതിരൂപതയുടെ പ്രശ്നംങ്ങള് കേള്ക്കാനും നമ്മുടെ വിഷമങ്ങള് അവതരിപ്പിക്കാനും കഴിഞ്ഞു എന്നുള്ളത് ഒരു വലിയ കാര്യമാണ്...*
*അതോടൊപ്പം എറണാകുളം അതിരൂപതയുടെ പ്രശ്നങ്ങളില് വ്യക്തമായ ഒരു ഉറപ്പ് ലഭിച്ചു എന്നതും അടുത്ത സിനഡ് തീരുന്നതിനു മുന്പ് വീണ്ടും വൈദീക പ്രതിനിധികളെ കാണും എന്നും സമ്മതിച്ചിട്ടുണ്ട്. അതുകൊണ്ട് തന്നെ ഈ സഹനസമരം പൂര്ണ്ണ വിജയമായി എഎംറ്റി വിലയിരുത്തി. മെത്രാന്മാരുമായുള്ള ചര്ച്ചക്ക് മുന്കൈ എടുക്കുകയും നേതൃത്വം നല്കുകയും ചെയ്ത തൃശൂര് മെത്രാപോലിത്ത ആന്ഡ്രുസ് താഴത്തു പിതാവിനെയും ഈ അവസരത്തില് അങഠ യുടെ അഭിനന്ദനങ്ങള് അറിയിക്കുന്നു.*
മാത്യു കാറൊണ്ടുകടവന്
എഎംറ്റി പ്രസിഡന്റ്
റിജു കാഞ്ഞൂക്കാരന്
എഎംറ്റി ജനറല് സെക്രട്ടറി
ഷൈജു ആന്റണി
എഎംറ്റി വക്താവ്
