ഡെറാഡൂണ് : ഈ വര്ഷത്തെ സ്വാതന്ത്ര്യദിനാഘോഷത്തില് ആദ്യമായി എല്ലാ മദ്രസകളിലും പതാക ഉയര്ത്തുകയും വന്ദേമാതരം ആലപിക്കുകയും ചെയ്യുമെന്ന് ആര്എസ്എസ് നേതാവ് ഇന്ദ്രേഷ് കുമാര്. മദ്രസകളില് പതാക ഉയര്ത്തുന്നത് മുസ്ലിം രാഷ്ര്ടീയ മഞ്ചിന്റെ നേതൃത്വത്തിലായിരിക്കുമെന്നും ടൈംസ് ഓഫ് ഇന്ത്യക്ക് നല്കിയ അഭിമുഖത്തില് ഇന്ദ്രേഷ് കുമാര് പറഞ്ഞു.
ഉത്തരാഘണ്ഡില് 700 മദ്രസകളാണുള്ളത്. 300 എണ്ണം സംസ്ഥാന സര്ക്കാരില് റെജിസ്റ്റര് ചെയ്ത് പ്രവര്ത്തിക്കുന്നതും. സ്വാതന്ത്ര്യ സമരത്തില് മുന്പ് പ്രവര്ത്തിച്ചിരുന്ന സമര സേനാനികളെ കുറിച്ച് മദ്രാസിലെ കുട്ടികള് സംവദിക്കും.
സ്വാതന്ത്ര്യസമര ദിനത്തില് എല്ലാ മദ്രസകളിലും പതാക ഉയര്ത്തണമെന്നാവശ്യപ്പെട്ടുകൊണ്ടുള്ള ഔദ്യോഗിക സന്ദേശം നല്കിയെന്ന് ഉത്തരാഘണ്ഡ് മദ്രസാ ബോര്ഡ് ചെയര്മാന് ബിലാല് റഹ്മാന് പറഞ്ഞു. ഇതിലൂടെ കുട്ടികളെ സ്വാതന്ത്ര്യദിനത്തെ കുറിച്ച് അവബോധമുള്ളവരാക്കുകയെന്നതാണെന്നും അദ്ദേഹം വ്യക്തമാക്കി. ഓഗസ്റ്റ് 12 മുതല് ഓഗസ്റ്റ് 15 വരെയാണ് സ്വാതന്ത്ര്യദിനാഘോഷം സംഘടിപ്പിക്കാന് തീരുമാനിച്ചത്.
സ്വാതന്ത്ര്യദിനാഘോഷത്തില് ദേശീയഗാനവും വന്ദേമാതരവും ആലപിച്ച് സ്വാതന്ത്ര്യസമര സേനാനികള്ക്ക് ആദരവ് നല്കണമെന്നും അദ്ദേഹം ആവശ്യപ്പെട്ടു.
