യൂറോപ്യന് സര്ക്യൂട്ടില് സ്വര്ണ്ണനേട്ടം നടത്തിയ ഹിമാദാസിനെ അഭിനന്ദിച്ച് രാജ്യത്തിന് ഇതുവരെ മതിയായിട്ടില്ല. സച്ചിന് ഉള്പ്പെടെയുള്ളവര് ഇന്ത്യന് അത്ലറ്റിനെ അഭിനന്ദിക്കാന് രംഗത്ത് വരികയും ചെയ്തിരിക്കെ ജഗ്ഗി വാസുദേവിന്റെ അഭിനന്ദനം മാത്രം ആള്ക്കാര്ക്ക് പിടിച്ചില്ല. ഹിമയെ അഭിനന്ദിച്ചുള്ള ജഗ്ഗിയുടെ ട്വീറ്റിനെതിരേ സാമൂഹ്യ മാധ്യമങ്ങളിലൂടെ പ്രതിഷേധം പെരുകുകയാണ്.
അശ്ലീല ശൈലി ഉപയോഗിച്ച് ഹിമാ ദാസിനെ അഭിനന്ദിച്ചെന്നാണ് ജഗ്ഗിക്കെതിരേ ഉയര്ന്നിരിക്കുന്ന ആരോപണം. ‘ഹിമാ ദാസ്, ദ ഗോള്ഡന് ഷവര് ഫോര് ഇന്ത്യ, കണ്ഗ്രാജുലേഷന്സ് ആന്ഡ് ബ്ലെസ്സിംഗ്’ എന്നായിരുന്നു ജഗ്ഗി വാസുദേവിന്റെ ട്വീറ്റ്. ജഗ്ഗിയുടെ ‘ഗോള്ഡന് ഷവര്’ എന്ന പ്രയോഗത്തിനെതിരെയാണ് വിമര്ശനം ഉയര്ന്നത്. ലൈംഗിക ബന്ധത്തിനിടെ ഒരാള് മൂത്രമൊഴിക്കുന്നതിനെയാണ് ‘ഗോള്ഡന് ഷവര്’ എന്ന് വിളിക്കാറുള്ളത്. ലൈംഗിക ബന്ധത്തെ മുന്നിര്ത്തിയുള്ള അശ്ലീല തമാശ ഹിമാ ദാസിനെ അഭിനന്ദിക്കാന് ഉപയോഗിച്ചത് മാന്യതയ്ക്ക് നിരക്കാത്ത പ്രവര്ത്തിയായി പോയി എന്നാണ് വിമര്ശനം. നേരത്തെ തനിക്കെതിരേ ‘ഗോള്ഡന് ഷവര്’ പ്രയോഗം നടത്തിയ വ്യക്തിക്കെതിരെ അമേരിക്കന് പ്രസിഡണ്ട് ഡൊണാള്ഡ് ട്രംപ് നിയമനടപടി സ്വീകരിച്ചത് ഇവര് ചൂണ്ടിക്കാട്ടുന്നു.
അതേസമയം ജഗ്ഗിയെ ന്യായീകരിച്ച് അദ്ദേഹത്തിന്റെ അനുയായികളും എത്തിയിട്ടുണ്ട്. ഇന്ത്യന് സംസ്കാരത്തിലെ കനകവര്ഷത്തെയാണ് ശരിക്കും ജഗ്ഗി ഉദ്ദേശിച്ചതെന്നാണ് ഇവര് പറയുന്നത്. രാജ്യത്തെ എല്ലാവര്ക്കും മാതൃകയാക്കാന് പറ്റുന്ന വ്യക്തിയാണ് ഹിമാ ദാസ് എന്നായിരുന്നു സച്ചിന് ടെണ്ടുല്ക്കറിന്റെ വാക്കുകള്. മോസ്കോയില് ട്രംപ് ലൈംഗിക വൃത്തി നടത്തുന്നവരോടൊപ്പം ‘ഗോള്ഡന് ഷവറി’ല് സമയം പങ്കിട്ടു എന്നെഴുതിയ അഭിഭാഷകനും എഴുത്തുകാരനുമായ ജെയിംസ് കോമേയ്ക്കെതിരെയാണ് ട്രംപ് നടപടി സ്വീകരിച്ചത്.
