കേരളത്തെ നടുക്കിയ ദുരഭിമാനക്കൊല നടന്നിട്ട് ഒരു വര്ഷം പിന്നിട്ടിരിക്കുന്നു. നീനുവില് നിന്നും കെവിനെ അവളുടെ വേര്പെടുത്തിയ ദിവസം.
'എനിക്കങ്ങനെ ഇപ്പോള് പ്രത്യേകിച്ച് ഒരു വികാരവുമില്ല, ദേഷ്യമോ വൈരാഗ്യമോ സ്നേഹമോ ഒന്നും.... അച്ഛന്, അമ്മ എന്നതൊക്കെ ഒരു പൊസിഷന് മാത്രം, അന്ന് അവര് ഒന്ന് ചിന്തിച്ചാല് മതിയായിരുന്നു എന്ന് പിന്നീട് പലപ്പോഴും ഓര്ക്കാറുണ്ട്. അവരിനി കാണാന് വരുമോ എന്ന് അറിയില്ല. ഇത്രയൊക്കെ ചെയ്തിട്ട് ഇനി കാണാന് വരുമെന്ന് തോന്നുന്നില്ല. ഇനി അങ്ങനെ വന്നാലും എനിക്ക് കാണണമെന്നുമില്ല.' നീനുവിന്റെ വാക്കുകള് ഇടറുന്നു...
കെവിനൊപ്പമുള്ള ആ ഓര്മ്മകളാണ് നീനുവിനെ ഇപ്പോഴും ജീവിക്കാന് പ്രേരിപ്പിക്കുന്നത്. തന്റെ വീട്ടുകാര് ഒരിക്കല് കൂടി ചിന്തിച്ചിരുന്നുവെങ്കില് എന്ന് നീനു വെറുതെ ആശിച്ചുപോകുന്നു.
