ചെന്നൈ : സ്വര്ണ്ണമാല പൊട്ടിച്ചോടിയ ക്യാബ് ഡ്രൈവറെ പോലീസ് പിടികൂടി. പ്രായമായ സ്ത്രീയില് നിന്നുമാണ് ഇയാള് മാലപൊട്ടിച്ച് ഓടിയത്. ബാലാജി എന്നയാളെയാണ് പോലീസ് അറസ്റ്റചെയ്തത്.
എന്നാല് ഇയാള് മാല മോഷ്ട്ടാവായതിന് പിന്നില് ഒരു കഥയുണ്ട്. സ്വന്തം മകളുടെ കോളേജ് ഫീസ് അടക്കാന് നിവൃത്തിയില്ലാതെ വന്നപ്പോഴായിരുന്നു ആ പിതാവ് മോഷ്ടാവാകാന് തീരുമാനിച്ചത്. എന്നാല് അയാള് പിടിക്കപ്പെട്ടു. പൊലീസിന്റെ പിടിയിലായപ്പോഴും മക്കളുടെ ഫീസടക്കാന് നിവര്ത്തിയില്ലെന്നാണ് അയാള് പറഞ്ഞത്.
രണ്ട് സ്ത്രീകളില് നിന്നായി അഞ്ച് പവന്റെ മലയും 1.5 പവന്റെ മാലയുമാണ് മോഷ്ടിച്ചത്. ആദ്യം മോഷ്ട്ടിച്ചത് 72 വയസ്സുകാരിയുടെ മാലയാണ്. അഡംബാക്കത്തിന് സമീപം തില്ലൈ ഗംഗാ നഗറിലൂടെ പ്രഭാതസവാരിക്കിറങ്ങിയതായിരുന്നു. കാറിലെത്തിയ ബാലാജി വൃദ്ധയുടെ 1.5 പവന്റെ മാല പിടിച്ചുപറിക്കുകയായിരുന്നു. തുടര്ന്ന് ഇവറ പോലീസില് പരാതി നല്കുകയും പോലീസ് കേസെടുക്കുകയും ചെയ്തു.
നഗനല്ലൂരിലെ 22ാം നമ്പര് സ്ട്രീറ്റിലെ വീടിനുമുന്നില് നിന്ന് പൂപറിക്കുന്നതിനിടെയാണ് രണ്ടാമതം ഇയാള് മാല മോഷ്ടിച്ചത്. കാറിലെത്തിയ ബാലാജി സ്ത്രീയോട് വഴി ചോദിച്ചു. ഇതിനിടെ കാറിനടുത്തെത്തിയ സ്ത്രീയുടെ മാല ഇയാള് വലിച്ചെടുത്തു. അഞ്ച് പവന്റെ മാലയായിരുന്നു ഇത്. ഇവരും പൊലീസ്നെ സമീപിക്കുകയും കേസ് റെജിസ്റ്റര് ചെയ്യുകയും ചെയ്തു.
മോഷണം നടന്ന സ്ഥലത്തെ സി സി ടി വി ദൃശ്യങ്ങള് പോലീസ് പരിശോധിച്ചു. അന്വേഷണം നടക്കുന്നതിനിടെ മറ്റൊരു പൊലീസ് സംഘം ബാലാജിയെ പിടികൂടുകയായിരുന്നു. പൊലീസിന്റെ ചോദ്യം ചെയ്യലില് ഇയാള് മോഷണം സമ്മതിച്ചു. രണ്ട് പെണ്മക്കളുടെ കോളേജ് ഫീസ് നല്കാന് നിവര്ത്തിയില്ലാതെ വന്നതോടെയാണ് മോഷ്ടാവാകാന് തീരുമാനിച്ചതെന്ന് ബാലാജി പൊലീസിനോട് പറഞ്ഞു.
