കൊച്ചി: അനധികൃതമായി പണിതുയര്ത്തിയ മരടിലെ ഫ്ളാറ്റുകള് പൊളിക്കുന്നതിന്റെ ഭാഗമായി വൈദ്യുതിയും വെള്ളവും തടഞ്ഞതോടെ ഫ്ളാറ്റ് ഉടമകള് മറ്റ് മാര്ഗങ്ങള് തേടിയിരിക്കുകയാണ്. ഡീസല് ജനറേറ്ററുകളും വലിയ കനാലുകളിലും മറ്റ് എത്തിച്ചാണ് ഉടമകള് പ്രതിഷേധം തീര്ക്കുന്നത്.
പ്രതിഷേധത്തിന്റെ ഭാഗമായി വ്യാഴാഴ്ച രാത്രി റാന്തല് സമരം നടത്തുമെന്നും ഉടമകള് അറിയിച്ചു. ഫ്ളാറ്റുകള് പൊളിച്ചുനീക്കുന്നതിന് മുന്നോടിയായാണ് നാലു ഫ്ളാറ്റ് സമുച്ചയങ്ങളിലേയും വൈദ്യുതി ബന്ധം കെഎസ്ഇബി വിച്ഛേദിച്ചത്. ഇതിനു പിന്നാലെ ഫ്ളാറ്റുകളിലേയ്ക്കുള്ള ജലവിതരണം ജല അതോറിറ്റിയും നിര്ത്തിവെച്ചിരുന്നു. വ്യാഴാഴ്ച രാവിലെയാണ് വൈദ്യുതിയും വെള്ളവും അധികൃതര് തടഞ്ഞത്. സെപ്റ്റംബര് 29 നകം ഉടമകളെ ഒഴിപ്പിച്ച് ഫ്ളാറ്റ് പൊളിക്കാനുള്ള പ്രവൃത്തികളിലേക്ക് കടക്കാനാണ് അധികൃതരുടെ തീരുമാനം. എന്നാല് ഒഴിഞ്ഞുപോകില്ലെന്നാണ് ഉടമകളുടെ നിലപാട്.
