പൂനെ: ദക്ഷിണാഫ്രിക്കയ്ക്കെതിരായ രണ്ടാം ടെസ്റ്റ് മത്സരത്തില് ടോസ് നേടിയ ഇന്ത്യ ബാറ്റിങ്ങ് തിരഞ്ഞെടുത്തു. വിശാഖപട്ടണം ടെസ്റ്റ് മത്സരത്തിലെ മാസ്മരിക വിജയത്തിന്റെ ആത്മവിശ്വാസത്തിലാണ് പൂനെയിലും ആതിഥേയര് ഇറങ്ങുന്നത്. ഇരു ടീമുകളും ഓരോ മാറ്റങ്ങളോടെയാണ് രണ്ടാം ടെസ്റ്റിന് ഇറങ്ങുന്നത്. ഹനുമ വിഹാരിക്കു പകരം പേസര് ഉമേഷ് യാദവിനെ ഇന്ത്യ ടീമില് ഉള്പ്പെടുത്തി. ദക്ഷിണാഫ്രിക്കന് ടീമില് ഡാനെ പീഡിറ്റിനു പകരം ആന്റിച്ച് നോര്ത്ജേയേയും ഉള്പ്പെടുത്തി.
വിശാഖപട്ടണത്ത് നടന്ന ആദ്യ ടെസ്റ്റില് ഇന്ത്യ 203 റണ്സിര്ന്റ വിജയം നേടിയിരുന്നു.മൂന്നു മത്സരങ്ങളുള്ള ടെസ്റ്റ് പരമ്പരയില് ആദ്യ വിജയം നേടിയ ഇന്ത്യ 1-0 ന് മുന്നിലാണ്. പൂനെയിലും വിജയം നേടാനായാല് ഇന്ത്യയ്ക്ക് പരമ്പര സ്വന്തമാക്കാം.
ടീം ഇന്ത്യ: രോഹിത് ശര്മ്മ, മായങ്ക് അഗര്വാള്, ചേതേശ്വര് പൂജാര, വിരാട് കോഹലി( ക്യാപ്റ്റന്), അജിങ്ക്യ രഹാനെ, വൃദ്ധിമാന് സാഹ(വിക്കറ്റ് കീപ്പര്), ആര്.അശ്വിന്, രവീന്ദ്ര ജഡേജ, ഇഷാന്ത് ശര്മ്മ, ഉമേഷ് യാദവ്, മൊഹമ്മദ് ഷമി.
ടീം ദക്ഷിണാഫ്രിക്ക: എയ്ഡന് മാര്ക്രാം, ഡീന് എല്ഗര്, തെയുനിസ് ഡി ബ്രൂയിന്, തെംബ ബാവുമ, ഫാഫ് ഡു പ്ലെസിസ്(ക്യാപ്റ്റന്), ക്വിന്റണ് ഡി മകാക്ക്(വിക്കറ്റ് കീപ്പര്) സെനുറണ് മുത്തുസ്വാമി, വെര്നോന് ഫിലാണ്ടര്, കേശവ് മഹാരാജ്, കാഗിംസാ റബാദ, ആന്റിച്ച് നോര്ത്ജെ.
