വളരെ പ്രധാനപ്പെട്ട ഒരു യോഗാസനമാണ് ചക്രാസനം. ശരീരം ചക്രത്തിന്റെ രൂപത്തിലാക്കി ചെയ്യുന്നതുകൊണ്ടാണ് ഈ ആസനത്തിന് ഇങ്ങനെയൊരു പേര് വന്നത്.
കൈകള്, കാലുകള്, അരക്കെട്ട്, വയറ്, നട്ടെല്ല്, തുടങ്ങിയ ശരീര ഭാഗങ്ങള്ക്കെല്ലാം അയവ് കിട്ടാനും ആയാസം ലഭിക്കാനും ചക്രാസനമെന്ന യോഗാ മുറയ്ക്ക് സാധിക്കും. കൂടാതെ നടുവ് വേദനയകറ്റാനും ശരീരത്തിന്റെ ചെറുപ്പം നിലനിര്ത്താനും ചക്രാസനത്തിലൂടെ സാധിക്കും.
ചെയ്യുന്ന രീതി
മലര്ന്നുകിടക്കുക. കാലുകള് മടക്കി കാല്പ്പത്തി പൃഷ്ഠഭാഗത്തിനടുത്തായി നിലത്ത് പതിച്ചുവയ്ക്കുക. തുടയുടെ പിന്ഭാഗവും കണങ്കാലും ചേര്ന്നിരിക്കും. കൈകള് ഉയര്ത്തി മടക്കി കൈപ്പത്തികള് ചെവിയുടെ ഇരുവശത്തുമായി ചുമലുകള്ക്കിടയിലായി നിലത്തുപതിപ്പിച്ചു വയ്ക്കുക. ശ്വാസമെടുത്തുകൊണ്ട് കാല്പ്പത്തികളുടെ ബലത്തില് ശരീരത്തിന്റെ മധ്യഭാഗം ഉയര്ത്തുക.
കാലുകള് കഴിയുന്നത്ര നിവരണം. കുറച്ചു സെക്കന്റുകള് ഈ അവസ്ഥയില് തുടരാവുന്നതാണ്. ശ്വാസം വിട്ടുകൊണ്ട് തിരിച്ചുവരിക. കാലുകള് അകറ്റിവച്ച് ചുമലുകള് നിലത്തുപതിച്ച് പതുക്കെവേണം പൂര്വ്വ സ്ഥിതിയിലെത്താന്.
ആസ്ത്മ, ബ്രോങ്കൈറ്റീസ് എന്നിവയ്ക്ക് ഏറെ ആശ്വാസം നല്കുന്നതാണ് ഈ ആസനം. കൂടാതെ ഹൃദ്രോഗം, മാനസിക പിരിമുറുക്കം എന്നിവ ഉള്ളവരും സ്ഥിരമായി ഈ യോഗാസനം ചെയ്യുന്നത് ഗുണകരമാണ്.
ഡോ.ദിവ്യ
ഡോ.ദിവ്യാസ് ഹോമിയോപ്പതിക് സ്പെഷ്യാലിറ്റി
ക്ലിനിക്, ഐ.സി.സി.ഐ.ബാങ്ക്
റ്റി.റ്റി.സി.ജംഗ്ഷന്, കവടിയാര്, തിരുവനന്തപുരം
