സാമ്പത്തിക ശാസ്ത്രത്തിനുള്ള നൊബേല് സമ്മാനം നേടിയാണ് അഭിജിത് ബാനര്ജി ഇന്ത്യയ്ക്ക് അഭിമാനമായത്. ഭാര്യ എസ്തര് ദഫ്ളേയ്ക്കൊപ്പമാണ് അഭിജിത് ബാനര്ജി സാമ്പത്തിക ശാസ്ത്രത്തിനുള്ള നൊബേല് സമ്മാനം നേടുന്ന ആദ്യ ദമ്പതികളെന്ന നേട്ടവും സ്വന്തമാക്കിയത്. നൊബേല് പ്രഖ്യാപനം അറിഞ്ഞ ആ രാത്രിയെക്കുറിച്ച് അഭിജിത് ബാനര്ജി ദേശീയ മാധ്യമത്തിന് നല്കിയ അഭിമുഖത്തിലാണ് തുറന്നു പറഞ്ഞിരിക്കുന്നത്.
നൊബേല് കിട്ടിയെന്ന വാര്ത്ത ആദ്യം അറിഞ്ഞപ്പോള് അത് തട്ടിപ്പാണോ എന്നായിരു്നു ആദ്യം ചിന്തിച്ചത്. പക്ഷെ അങ്ങനെയൊന്നുമല്ല എന്ന് തനിക്ക് അറിയാമായിരുന്നുവെന്നും അഭിജിത് ബാനര്ജി പറയുന്നു. തീര്ച്ചയായും അത് വലിയ വാര്ത്ത തന്നെയായിരുന്നു. അന്ന് തനിച്ച് ഡിന്നറിനൊപ്പം സ്പെഷല് ഓംലെറ്റ് ഉണ്ടാക്കിയാണ് ആഘോഷിച്ചത്. ഷാന്ഡ്രെല്ലയും ഗ്രീന് പീസും ചീസും ചേര്ത്ത ഓംലെറ്റാണ് അന്ന് ഉണ്ടാക്കിയതെന്ന് അഭിജിത് ബാനര്ജി വ്യക്തമാക്കി.
തന്റെ സ്പെഷല് ഓംലെറ്റിന്റെ ചേരുവകളും അത് ഉണ്ടാക്കുന്ന വിധവുമെല്ലാം അഭിജിത് ബാനര്ജി വിശദീകരിക്കുന്നുണ്ട്. മുട്ട നന്നായി പതപ്പിച്ച്, അതിലേക്ക് അല്പം വെള്ളം ചേര്ത്ത് ചെറുചൂടില് വറുത്തെടുത്തു. കൂട്ടത്തില് സ്റ്റഫ് ചെയ്യാനുള്ളവയും ചേര്ത്തു. ഓംലെറ്റ് വളരെ സോഫ്റ്റായി കിട്ടണമെന്ന്ും അത് നിര്ബന്ധമാണെന്നും അഭിജിത് കൂട്ടിച്ചേര്ത്തു.
