ചെന്നൈ: ശബരിമലയില് കയറിയതോടെ തന്നെ എല്ലാവരും ഉപേക്ഷിച്ചതായി കനക ദുര്ഗ്ഗ. ബിബിസി തമിഴിനു നല്കിയ അഭിമുഖത്തിലാണ് തന്റെ ഇന്നത്തെ അവസ്ഥ പറഞ്ഞ് പൊട്ടിക്കരഞ്ഞ് കനക ദുര്ഗ്ഗ രംഗത്തെത്തിരിക്കുന്നത്.
'ശബരിമലയില് കയറിയ ശേഷം ഭര്ത്താവും , മക്കളും തന്നെ ഉപേക്ഷിച്ചു. ശബരിമലയില് കയറി പത്ത് പതിനഞ്ച് ദിവസത്തിനു ശേഷമാണ് താന് വീട്ടിലേയ്ക്ക് മടങ്ങിയത്. എന്നാല് അവിടെ വച്ച് ഭര്തൃ മാതാവ് തന്റെ തലയിലും ,തോളിലും അടിച്ച് അവശയാക്കി. തുടര്ന്ന് കോഴിക്കോടുള്ള ആശുപത്രിയില് ഒന്പത് ദിവസം ചികിത്സ തേടി.
പിന്നീടാണ് ഭര്ത്താവ് തനിക്കെതിരെ നീങ്ങിയത്. തന്നോടൊപ്പം ജീവിക്കാന് പറ്റില്ലെന്നാണ് അദ്ദേഹം പറഞ്ഞത്. യാതൊരു ഒത്തു തീര്പ്പിനും വഴങ്ങിയില്ല. ഫെബ്രുവരി അഞ്ചിനു താന് വീട്ടില് എത്തിയെങ്കിലും വീട് പൂട്ടി ഭര്ത്താവ് മക്കള്ക്കൊപ്പം താമസം മാറിയിരുന്നു. തന്നെ ഉപേക്ഷിച്ചാണ്, ഈ വീട്ടില് തനിച്ചാക്കിയാണ് അവര് പോയത്.
ആദ്യം മക്കളെ പോലും കാണാന് കഴിഞ്ഞിരുന്നില്ല. പിന്നീട് ആഴ്ച്ചയില് രണ്ട് ദിവസം കുട്ടികളെ കാണാന് അനുമതി ലഭിച്ചു. എന്നാല് ഇപ്പോള് മാര്ച്ച് മാസം മുതല് തനിക്ക് മക്കളെ കാണാന് പോലും കഴിയുന്നില്ല. മക്കള് തനിക്കൊപ്പം വേണം, തനിക്ക് ഒറ്റപ്പെട്ട് ജീവിക്കാന് കഴിയുന്നില്ലെന്നും കനക ദുര്ഗ്ഗ പറഞ്ഞു. ശബരിമലയെ താന് അശുദ്ധമാക്കിയതായി ഭര്ത്താവ് പറഞ്ഞെന്നും, സ്വന്തം വീട്ടുകാര് പോലും തന്നെ തള്ളിക്കളഞ്ഞായും' കനകദുര്ഗ്ഗ പറഞ്ഞു.
ബിന്ദു അമ്മിണിയ്ക്കൊപ്പം പോലീസ് സഹായത്തിലാണ് കനക ദുര്ഗ്ഗ കഴിഞ്ഞ വര്ഷം മല ചവിട്ടിയത്. ഇത് സംസ്ഥാനത്ത് വലിയ പ്രതിഷേധത്തിന് വഴിവച്ചിരുന്നു. ദേവസ്വം ജീവനക്കാര്ക്ക് മാത്രം പ്രവേശിക്കാവുന്ന വഴിയിലൂടെ തലയില് തുണിയിട്ട് പ്രവേശനം നടത്തുകയായിരുന്നു ഇവര്.
