കൊല്ക്കത്ത: വെസ്റ്റിന്ഡീസിനെതിരായ ഏകദിന, ട്വന്റി20 പരമ്പരയ്ക്കുള്ള ഇന്ത്യന് ടീമിനെ പ്രഖ്യാപിച്ചു. ഇന്ത്യന് ട്വന്റി20 ടീമില് ഇടംപിടിച്ചിരുന്ന മലയാളി താരം സഞ്ജു സാംസണിന് കളത്തിലിറങ്ങാതെ തന്നെ ടീമിനു പുറത്താകേണ്ടി വന്നു. വിശ്രമത്തിലായിരുന്ന വിരാട് കോഹ്ലി ടീമില് തിരിച്ചെത്തി. അതേസമയം കേദാര് ജാദവ് ടീമില് ഇടംനേടി.
ഫോം കണ്ടെത്താനാകാതെ വിഷമിക്കുന്ന ഋഷഭ് പന്തിനെ വിക്കറ്റ് കീപ്പര് ബാറ്റ്സമാനായി നിലനിര്ത്തിയിട്ടുണ്ട്. ബംാദേശിനെതിരായ പരമ്പരയില് അരങ്ങേറ്റം നടത്തിയ ശിവം ദുബെ ടീമില് സ്ഥാനം നിലനിര്ത്തി. പരിക്കിനെ തുടര്ന്ന് ഹാര്ദ്ദിക് പാണ്ഡ്യയ്ക്ക് ടീമില് തിരിച്ചെത്താനാകാത്ത സാഹചര്യത്തിലാണ് ദുബെ ഏകദിന ടീമിലും ഇടംനേടിയത്. കുല്ദീപ് യാദവ്, യുസ്വേന്ദ്ര ചഹലും ലിമിറ്റഡ് ഓവര് മത്സരങ്ങളില് ഇന്ത്യന് ടീമില് ഇടംനേടി. ഇടവേളയ്ക്കു ശേഷം ഭുവനേശവര് കുമാര്, മുഹമ്മദ് ഷമി എന്നിവര് ഏകദിന, ട്വന്റി20 ടീമുകളില് തിരിച്ചെത്തി.
ഇന്ത്യന് ഏകദിന ടീം: വിരാട് കോഹ്ലി(ക്യാപ്റ്റന്), രോഹിത് ശര്മ്മ(വൈസ് ക്യാപ്റ്റന്), ശിഖര് ധവാന്, ലോകേഷ് രാഹുല്, മശ്രയസ് അയ്യര്, മനീഷ് പാണ്ഡെ, ഋഷഭ് പന്ത്(വിക്കറ്റ് കീപ്പര്), ശിവം ദുബെ, കേദാര് ജാദവ്, രവീന്ദ്ര ജഡേജ, യുസ്വേന്ദ്ര ചഹല്, കുല്ദീപ് യാദവ്, ദീപക് ചാഹര്, മുഹമ്മദ് ഷമി, ഭുവനേശ്വര് കുമാര്.
ഇന്ത്യന് ട്വന്റി20 ടീം: വിരാട് കോഹ്ലി(ക്യാപ്റ്റന്), രോഹിത് ശര്മ്മ(വൈസ് ക്യാപ്റ്റന്), ശിഖര് ധവാന്, ലോകേഷ് രാഹുല്, മശ്രയസ് അയ്യര്, മനീഷ് പാണ്ഡെ, ഋഷഭ് പന്ത്(വിക്കറ്റ് കീപ്പര്), ശിവം ദുബെ, വാഷിങ്ടന് സുന്ദര്,രവീന്ദ്ര ജഡേജ, യുസ്വേന്ദ്ര ചഹല്, കുല്ദീപ് യാദവ്, ദീപക് ചാഹര്, മുഹമ്മദ് ഷമി, ഭുവനേശ്വര് കുമാര്.
